Zaburi 59:4-17

⁴Wao wanajiandaa kunikimbiza ingawa sina kosa; amka unisaidie na unitazame.

⁵Ewe, Yahwe Mungu wa majeshi, Mungu wa Israeli, inika uwaadhibu mataifa yote; usiwe na huruma kwa mhalifu mwovu yeyote. Selah

⁶Wao wanarudi jioni, wanabweka kama mbwa na kuuzungukia mji.

⁷Tazama, wanapiga kelele mbaya kwa midomo yao; panga ziko kwenye midomo yao, maana wanasema, “Ni nani anaye tusikia?”

⁸Lakini wewe, Yahwe, utawacheka; wewe huwadhihaki mataifa yote.

⁹Mungu, nguvu yangu, nitakuwa msikivu kwako; wewe ni mnara wangu mrefu.

¹⁰Mungu atakutana nami akiwa na uaminifu wa agano lake; Mungu atanifanya nione shauku yangu juu ya adui zangu.

¹¹Usiwaue, hivyo watu watasahau. Uwatawanye kwa nguvu zako na uwaangushe, Bwana ngao yetu.

¹²Kwa ajili ya dhambi za midomo yao na maneno ya midomo yao, wakamatwe katika majivuno yao, na kwa laana na uongo ambao wao huelezea.

¹³Uwamalize katika gadhabu yako, uwamalize ili kwamba wasiwepo tena; wajue kuwa Mungu anatawala katika Yakobo na mwisho wa nchi. Selah

¹⁴Wakati wa jioni wao hurudi, wakibweka kama mbwa wakiuzungukia mji.

¹⁵Wanatangatanga wakitafuta chakula na wanabweka kama mbwa kama hawajatosheka.

¹⁶Lakini nitaimba kuhusu nguvu zako, na asubuhi nitaimba kuhusu upendo wako imara! maana umekuwa mnara wangu mrefu na kimbilio la usalama katika siku ya taabu.

¹⁷Kwako, nguvu yangu, nitaimba sifa; kwa kuwa Mungu ni mnara wangu mrefu, Mungu wa uaminifu wa agano.