Yoobu 4

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yenibɑn biru, Elifɑsi Temɑɡii u Yoobu sɔ̃ɔwɑ u nɛɛ,

²sɑ̀ n ɡɑri ɡeruɑ yi koo nun du? Wɑrɑ u koo sere ɡɑri yini nɔ u n mɑɑri.

³Wee tɔn dɑbinɑ ɑ keu sɔ̃ɔsi, mɑ ɑ nuku sɑnkirobu dɑm kɑ̃.

⁴Wunɛn ɡɑri yi be bɑ rɑɑ kpɑnɑmɔ dɑm kɑ̃. Mɑ ɑ be bɑ ɡɔmɑ dwiiyɑ tɑ̃sisiɑ.

⁵Wee tɛ̃ ɡɑri yi nun deemɑ, mɑ ɑ kpɑnɑmɔ. Wee wɑhɑlɑ yɑ nun ɡirɑri, mɑ ɑ burisinɛ.

⁶N ǹ Gusunɔ sɑ̃ɑrɑ tɑ sɑ̃ɑ wunɛn dɑm? N ǹ wunɛn yĩiyɔbu bu rɑ n wɑ̃ɑwɑ Gusunɔ win mi yèn sɔ̃ ɑ nùn mɛm nɔɔwɑmmɛ?

⁷Ǹ n mɛn nɑ, ɑ bwisikuo wunɛn wɑ̃ɑru sɔɔ, ɑ̀ n nɔɔre bɑ tɑɑrɛ sɑriruɡii ɡoo ɡo, ǹ kun mɛ bɑ ɡemɡibu mwɛɛrɑ bɑ kpeerɑsiɑ.

⁸Nɛ, nɑ ɡɑbu wɑɑre, kɔ̃sɑn sɔmburɑ bɑ rɑ n mɔ̀, kpɑ bɑ n weesu swĩi. Mɛyɑ bɑ rɑ mɑɑ ye kpuron ɑre wɑ.

⁹Bɑ rɑ n Gusunɔn mɔru seeye kpɑ yu kɑ bu kɑm koosiɑ nɡe woo bɔkɔ.

¹⁰Kpɑ ben kukiri bi bɑ rɑ ko nɡe ɡbee sunɔ bu nɔru ko. Gusunɔ u rɑ ben nɔsu bɔɔkuwɑ.

¹¹Bɑ ko n sɑ̃ɑwɑ nɡe ɡbee sunɔ mɛro ɡe ɡɑ yɑɑ biɑ ɡu di, mɑ ɡɑ ɡu, ɡen binu yɑrinɑ.

¹²Gɑri ɡɛɛ mɑn nɑɑwɑ ɑsiri sɔɔ wɔ̃kuru, mɑ nɛn swɑsu su yi nuɑ fɛrɛ fɛrɛ,

¹³wɔ̃ku suunu sɔɔ, sɑɑ ye tɑ nɑnum kuɑ tɑ kpɑ, mɑ tɔmbɑ kpĩ kpɑtɑ kpɑtɑ bɑ dosimɔ.

¹⁴Sɑɑ yerɑ nɑ nɑndɑ, mɑ nɛn wɑsi kpuro diirɑ.

¹⁵Mɑ ɡɑ̃ɑnu mɑn sweemɑ nɡe woo, mɑ nɛn wɑsi kiri seewɑ.

¹⁶Nɑ ɡoo wɑ wi nɑ ǹ tubɑ. Mɑ nɑ nɔɔ ɡɑɡu nuɑ ɡɑ ɡerumɔ tɛɛru tɛɛru ɡɑ mɔ̀,

¹⁷tɔnu u koo kpĩ u n dɛɛre Gusunɔn wuswɑɑɔ? U koo kpĩ u n dɛɛre wi u nùn tɑkɑ kuɑn nɔni sɔɔ?

¹⁸Gusunɔ u ǹ mɑm win sɔm kowobu ɡɔrɑdobɑ nɑɑnɛ kue, mɑ u torɑnu wɑɑmɔ be sɔɔ.

¹⁹Kɑɑ sere ɡere tɔn be bɑ mɔmɑ kɑ tem, be bɑ koo kpĩ bu sunku nɡe kɔkɔbu?

²⁰Tɔnu koo kpĩ u n wɑ̃ɑ bururu, ǹ n kuɑ yokɑ kpɑ ɑ deemɑ u ɡu, kpɑ ɡoo kun mɑm ɡɑrɑ nɡe u ɡu.

²¹Win wɑ̃ɑru tɑ kɑsirɑ. U ǹ bwisi kpuro wɑ u kɑ ɡu.