YƐKOTINƆ̀ 30:7-11

⁷Kuyie, n dɑ mɔ́ú dɛ̀mɑrɛ̀ dɛ̀dɛ́rɛ̀ ndɛ n fòmmu miɛkɛ, bɑ́ɑ́ dɛ̀ nni nyetɛnɛ̀.

⁸N dɛ́tinnɛ̀ siyɑ́ɑ̀bìsí, nɛ̀ mɛciìmmɛ̀, ɑ bɑ́ɑ́ yóu kɛ̀ n dɔkɛ nɑɑ́ nfɛdɑwɑnfɛ̀ yoo n dɔkɛ kpɑrìkɛ̀, nni nduɔ̀ m bo nyo mù kɛ fòùnɛ̀.

⁹Kɛ̀ n dɔ̀kɛ kpɑ̀rìkɛ̀ n yɑ̀ɑ̀ bo dɑ yetɛ kɛ dɔ̀: We ntu Kuyie? Kɛ̀ mmɛ n dɔ̀kɛ nɑɑ́ nfɛdɑwɑnfɛ̀ n yɑ̀ɑ̀ bo yúúkú kɛ́cɑkɛ ɑ yètìrì.

¹⁰Bɑ́ nwɑ́tìrì otɔ̃ntì wèè ò duɔ́ mmutɔ̃mmú ò ììkɛ̀ ò yɑ̀ɑ̀ bo dɑ bɔntɛ́ kusĩ̀nkù kɑ̀ɑ tɔ mɛyɛi.

¹¹Bɛ̀mɑbɛ̀ bomu kɛ sɑ̃́ɑ̃́ mbɛ cicɛbɛ̀ bɑ́ bɛ̀ í nɑ́ɑ́ mbɛ yɔ̃bɛ̀ kó mɛsɑ̀ɑ̀.