Muqâqiŋ Dâŋ 30:7-11

⁷O Anutu, no hâmoc dameŋ‐nane mi maickeha wiac jajahec jahere numu‐garepe mana‐narezemec:

⁸Burec â waburac ezipore baficnuzemec, ehuc tâpiri‐nanere sâc moneŋ mafa nare tahac ezemec, â nânâ wiac i hobu‐nanere sâc sawa narezemec.

⁹No nânâ mafa sâkohec erâ, “Go tâmiric sâcne jupemu,” iŋuc muhuc behecguzipore me hapetac juhuc fiuc rorâ Anutu gore ʒâŋe wâwânâŋ ecnezipore iŋuc hâcne enarezemec.

¹⁰Go kiŋaŋ qaqa mocte fuŋne bomboŋ‐ticnerao mi musâqorezemec, go iŋuc etec sâwecgume ʒâic busâqoc manazicte.

¹¹Ŋic gâcne jaŋe mamacfâc‐jeŋic sâwec‐jopaeŋgopieŋ, ehuc neŋgocfâc‐jeŋic jaŋere manapie fefene wâc mi eekac.