YƐKOTINƆ̀ 30:16-20

¹⁶Kudɔnkù nɛ̀ tɛhɑ̃ũntɛ, nɛ̀ kɛtenkɛ̀ kɛ̀ɛ̀ í diɛ̀ mmɛniɛ, nɛ̀ muhɑ̃ɑ̃́ mmùù cɔ̀ú nkɛ í diɛ̀.

¹⁷Kòo nìtì sɑ̃̀ɑ̃́ nho cicɛ, kɛ sènkɛ̀rì o yɔ̃, yɛbɑnkɛte yɛɛ̀ yóó dokɛ́ o nuɔ, kɛ̀ itúúkɛ́ ò cɑ̀ɑ́kɛ́.

¹⁸Dɛ̀mɑrɛ̀ bo dɛ̀tɑ̃ɑ̃ti ndi dɛ̀ɛ̀ pɛ̃ɛ̃tɛ́ n ciì, dɛ̀nɑ̀ɑ̀ ndi ketíkɛ n yí nɑ kɛ bɑntɛ́ dɛ̀:

¹⁹Fɛtúúfɛ̀ kó kucɛ kɛĩ́nkɛ̀, fɛwɑ̀ɑ̀fɛ̀ kɔku ditɑ̃́rì ĩ́nkɛ̀, bɑ̀tóò cɛ dɑ̀mɛ́ɛ̀rì miɛkɛ, dɛ̀ɛ̀ yũɔ̃ nhonitidɔ̀ù osɑpɑ̀ɑ̀ mbíɛ́kɛ̀.

²⁰Ntɛ onitipòkù wèè dɔuti dɔutinɛ̀ bɛnitidɑɑbɛ̀ o borimɛ dòmmɛ̀, ò ɔ̃ɔ̃ di kɛ́deè kɛ́ũtɛ́ o nùù ndi kɛ dɔ̀ ò í dɔ̀ɔ̀ mɛyɛi mmɑmɛ̀.