Proverbs 30:16-20

¹⁶Bo mu kuera mutim, bo mu imet kuin sisira se kuriang ko nia lagoso, bo mu ali garagarayam yu ko nia lagoso, se bo mu tama gigip kumik ira mena. Mel 4 imitang mu terong mam bala me ikisan.

¹⁷“Awiriya nuet ari daleluwuso, agi nuam ngata tuso, mu kari uwuta mu ilak nama sapara se taraga sengkasik mel taimon ale motam kuagi atumu namon ale kumik guang batutumu namonko.

¹⁸“Mel 3 agi 4 imi mu am mel duap bo nunguningkiri, se ani ko iki saparikko me terong:

¹⁹taraga ko munan taiti gomang te mu, mot ko munan manga awote mu, dal gagi biya awote ko munan mu, se kari imet ilak anira ko munan.

²⁰“Imet kari ilak diram bagara mena ko munan mu, kari kigilik ilak tere naso ale numi nungurso ale balso, ‘Mel bo ningi memek mena,’ iwita balso.