YƐKOTINƆ̀ 28:1-8

¹Wèè dɔ̀ɔ̀ mɛyɛi nhò ɔ̃ ncokùmu bɑ́ òmɔù í ò bɛ̀tì, wèè í dɔ̀ɔ̀ dɛ̀mɑrɛ̀ kòò mɔ̀kɛ dikɔ̃m̀bùɔ̀ dicìrícìrì kɔ̃mɛ.

²Kɛ̀ dihɛì í wɛ̃ ndinùù bɛkpɑ̀ɑ̀tìbɛ̀ bɛɛ̀ ɔ̃ɔ̃ sṹṹ, kòo kpɑ̀ɑ̀tì ciì kɛ yɛ̃́ dɛ̀mɑrɛ̀ weè kpɑ̀tì ɔ̃ɔ̃ mɔntɛ.

³Fɛkpɑ̀ɑ̀tìdɑwɑnfɛ̀ fɛ̀ɛ̀ fɛ̃́ũnko bɛcĩ̀rìbɛ̀ fɛ̀ dònnɛ̀ fɛtɑɑfɛ̀ nfɛ fɛ̀ɛ̀ sũ̀ṹ nkɛ kùɔ tidiitì.

⁴Bɛ̀ɛ̀ yetɛ Kuyie nkuɔ́ bɛ sɑ̃ntí bɛnitiyɛibɛ mbɛ, bɛ̀ɛ̀ ì yié nkɛ̀ bɛ̀ miɛkɛ pɛí bɛnitiyɛibɛ.

⁵Bɛnitiyɛibɛ í yɛ̃́ dɛ̀ɛ̀ ci bɛ̀ɛ̀ dɔ́ Kuyie mbɛɛ̀ dɛ̀ yɛ̃́ dɛmɔu.

⁶Kɑ̀ɑ kpɑ ɑ kpɛrɛ, kɑ̀ɑ borimɛ wenni dɛ̀ tɔ̃ũnɛ̀ ɑ bo mmɔkɛmɛ̀ tikpɑ̀tì kɛ̀ mɛ̀ sĩ̀.

⁷Wèè yie nKuyie nkó ikuɔ́ ò tu dɛbísɑ̀ɑ̀rɛ̀ ndɛ, wèè nɛitinɛ̀ bɛ̀ɛ̀ borimɛ í wenni kòò ɑ̃ɑ̃̀ o cicɛ ifɛi.

⁸Wèè pènni idíítí kɛ̀ bɛ̀ bo nhò yietì kɛ nɔnku, wèè nìti kɛ pɑ̃ɑ̃ bɛcĩ̀rìbɛ̀, weè ɔ̃ɔ̃ tiekɛ dɛ yiɛ̀ nkó tikpɑ̀tì.