YƐKOTINƆ̀ 20:3-20

³Kɑ̀ɑ í kpɑntì dɛ̀ tu diyètìrì ndi, wèè miɛkɛ pɛ́íkú mɛcɑ̃ɑ̃ nhò tu kuyɛìnkù nku.

⁴Otɔ̃nnɛ́díétì wèè í kuuti diyɔ̃ɔ̃̀, ditenwɑɑ̀ ò bo ndɔ́ kɛ́kɔ̃ṹ kɛ́mɔ́ntɛ́.

⁵Onìtì yɛ̀mmɛ̀ dò ntɛbintɛ tɛ̀ɛ̀ cũmpúrì tɛ̀ntɛ, mɛciì nyiɛ̀ weè bo nɑ kɛ́ mɛ̀ fei.

⁶Bɛ̀ nɑ̀ɑ́mmu bɛnìtìbɛ̀ pɛ́u kó tinìtì kpɛ́í, dɛ̀ mɛ nyóùmu ɑ bo pɛ́tɛ́mɛ̀ onìtì mɔ́mmuɔ.

⁷Kòo nìtì borimɛ wenni, kòò dɔ̀ɔ̀ri dɛ̀ɛ̀ wenni kɛ ku, o bí ɔ̃ɔ̃ di diwɛ̀ì ndi.

⁸Kòo kpɑ̀ɑ̀tì kɑ̀ri dikpɑ̀ɑ̀tìkɑ̀rì kɛ bo bekɛ́ ò pɑ̃̀nkɛ ɔ̃ɔ̃ bɑntɛ́mu oyɛiwe.

⁹We mbo nɑ kɛ dɔ̀ ò wèńkùnnɛ o yɛ̀mmɛ̀ kɛ tɛ̃́nkɛ í mɔkɛ mɛyɛi?

¹⁰A bo mmɔkɛmɛ̀ sipotɑmpeé sìdɛ́sì kɛ̀ sì cɑ̃̀ɑ̃́ nkɑ̀ɑ yɛ̃́ ɑ sì beú dìì mɔ̀nnì Kuyie nyí mɛ̀ dɔ́.

¹¹Kɛ̀ dɛbirɛ borimɛ yó nwenni bɛ̀ pɑ̃̀nkɛ ɔ̃ɔ̃ mɛ̀ yɑ̀mu dɛ dɔɔ̀rìmɛ̀ miɛkɛ.

¹²Yɛto yɛ̀ɛ̀ yonɛ̀, nɛ̀ inuɔ nyìì wùónnɛ̀ Kuyie nkuù dɛ̀ dɔ̀ɔ̀ dɛdɛ́.

¹³Wèè nɔnnɛ̀ inuɔ nhò nɑɑ̀ nfɛdɑwɑnfɛ̀ nfɛ, wèè ènni mɛcɑ̃ɑ̃ nweè yo nkɛ sɑ̀nnɛ̀.

¹⁴Odonti ɔ̃ ntú dɛ̀ í wenni, dɛ̀ í wenni nwe, kɛ̀ nɛ́ ítóo kɛ́sɑ̃ntɛ omɑ́ɑ̀.

¹⁵Mɛsɔɔ nnɛ̀ mɛdɛ̀ì ndɛ̀ sũmu pɛ́u, mɛciì nkó tinɑ́ɑǹtì tiì nɛ́ wenni kɛ pɛ̃ɛ̃tɛ́ dɛmɔu.

¹⁶Kɑ̀ɑ í yɛ̃́ wèè dɑ mɔkɛnɛ̀ dibɑ̀nnì kòo tɔù yɛ̃ nhò bo dì yietí, cɔutɛ́ o yɑɑ̀bòrì kɛ̀ dì nduɔ́ ɑ borɛ̀ ɑ í ò yɛ̃́ mɛ̀ɛ̀ kpɛ́í.

¹⁷Muyɑ́ɑ̀bìsídiì ɔ̃ nnɑɑtimu, kɛ nɛ́ dentɛ kɛ nɑɑ́ nyitɑ̃́ɑ̃́ ɑ nùù miɛkɛ.

¹⁸Wèè kèḿmú itié nweè nɔ nkɛ dɔɔri dɛ̀mɑrɛ̀, kɑ̀ɑ yóó kɔtɛ dikpɑ̀nnì bɑɑtí mɛsɑ̀ɑ̀.

¹⁹Wèè wɑ́tìrì bɛtɔbɛ̀ ò dɑ́ɑnko disɔ̀rì kpɛti nti, kɛntɛ́ wèè nùù yɑu.

²⁰Wèè sɑ̃̀ɑ̃́ nho cicɛ nɛ̀ o yɔ̃ o fòmmu bo ndònnɛ̀ wèè fìtírɛ̀ ku kɛyensɔ̀ùkɛ̀.