Olcueih 20:3-20

³Tuituknah lamloh aka hoep uh hlang ham thangpomnah la om tih, aka ang boeih long tah tohhaemnah a puek sak.

⁴Kolhnaw loh sikca ah pataeng caai voel pawh. Te dongah cangah ah a dawt tah a dawt dae dang voel pawh.

⁵Hlang lungbuei kah cilsuep tah tui aka dung bangla om tih, hlang lungcuei loh a dueh.

⁶Hlang pilnu amah kah sitlohnah te boeih a doek dae, oltak hlang te u long a hmuh?

⁷A thincaknah neh aka cet hlang dueng tah amah hnukah a ca rhoek khaw a yoethen.

⁸Manghai tah laitloeknah ngolkhoel dongah ngol tih, boethae boeih te a mik neh a thaek.

⁹“Ka lungbuei ka cael sak tih ka tholh lamloh ka caihcil,” tila ulong a ti thai.

¹⁰Lungto neh lungto khaw, cangnoek neh cangnoek khaw BOEIPA long a boktlap la tueilaehkoi ni.

¹¹A khoboe dongah camoe pataeng khaw loha coeng. A bisai loh cil tih a thuem atah.

¹²Hna loh yaak tih mik loh a hmuh he khaw a boktlap la BOEIPA long ni a saii.

¹³Ih he lungnah boeh na khodaeng na pang ve. Na mik a tueng daengah ni buh na cung eh.

¹⁴Hno aka lai loh a thae, a thae la a thui tih amah a khawk vaengah tah lat thangthen bal.

¹⁵Sui neh lungvang he khawk mai dae, mingnah hmuilai he tah umponah hnopai bangla kuel.

¹⁶Kholong ham rhi a khang pah vaengkah a himbai neh kholong nu, kholong nu ham a laikoi pah te khaw lo laeh.

¹⁷Laithae buh he hlang hamla tui dae, a hnukah a ka dongah lungcang muep baetawt.

¹⁸Kopoek he cilsuep neh cikngae sak lamtah, caemtloek khaw a niing khueh lah.

¹⁹Baecenol he caemtuh loh a hliphen tih a caeh puei. Te dongah a ka neh aka hloih te rhikhang pah boeh.

²⁰A manu neh a napa aka hnaep tah a hmaithoi a thih pah vetih, yinthuem kah yinthuem ah hmaisuep la om ni.