19Bɛ̀ cɑ̀ɑ̀rɛ̀ wè ɔ̃ nkpeńnìmu kɛ́pɛ̃ɛ̃tɛ́ dihɛikperì, kɛ̀ yɛkpɑ̀rɛ̀ kpeńnì kɛ pɛ̃ɛ̃tɛ́ dimɑ́tìkpetínnì.
20Nɛ̀ onìtì nɑ́ɑǹtì miɛkɛ nkɛ ò piɛtimɛ̀ mudiì, o nùù diì te kòò yo.
21Onìtì nɑ́ɑǹtì bo nte kòò nfòù yoo tì nte kòo kú, wèè nɔnnɛ̀ tinɑ́ɑǹtì ò yóó yɑ̀mu dɛ kó mucɔ̃́ntimu.
22Wèè pɛ̀tɛ́ onitipòkù ò pɛ̀tɛ́ diwɛ̀ì ndi. Kuyie nkuù ò dɔ̀ɔ̀ mɛsɑ̀ɑ̀.
23Ocĩ̀rì ɔ̃ nnɑ́ɑ́ nkɛ bɑ́ɑmmu kɛ̀ tikpɑ̀tì yiɛ̀ nni nnɑ́ɑ́ nkɛ̀ dɛ̀ kpeńnì.
24Kòo nìtì nɛ́pobɛ̀ sũ dɛ̀ bo nɑ kɛ́ntú o kó mɛyɛi. A nɛ́po mɔ́mmuɔ nɛ́ pɛ̃ɛ̃tɛ́mu ɑ tebitɛ.