Süleymanin Məsəlləri 18:19-24

¹⁹İncik qardaşın könlünü almaq qalalı şəhəri almaqdan daha çətindir, Belə davalar qapısı cəftəli qala kimidir.

²⁰İnsanın qarnı ağzının bəhəri ilə, Dilinin səmərəsi ilə doyar.

²¹Ölüm və həyat dilin əlindədir, Onu sevənlər barından yeyir.

²²Arvad alan uğur qazanar, Rəbbin razılığını alar.

²³Yoxsul rəhm istəyər, Zəngin isə sərt cavab verər.

²⁴Dost çoxaldan öz-özünü yıxar, Amma qardaşdan daha yaxın dost da var.