Uyuhana 10:5-26

⁵Wa ke wa tarsa ugenuba senke wa sumime, barki wa tame nimyiran ni ugenuba.

⁶Yeso ma wuzi we tize in nubata, da wa tinka imum me sa ma buu we ba.

⁷Yeso makuri magun we, “Kadundura, kadundura, in buu shi, mimani ana tukum item.

⁸Vat andesa wa ē aje am akari wani nan anu bursa tirunga tanu, da itam me ya kunna we ba.

⁹Mimani anatukum, me desa maribe ahira am, madi kem ubura, madi ribe ma suri makure makim ahiraukese.

¹⁰Ukari mada ezeba senke barki ma wuzi ni kari nan uhuna anu, ma aye ini barki wa kem uvengize wa kuri wa kem uvenke gbardan.

¹¹Mi mani unu tarsa inanu uhem, unutarsa inanu uhuma maki nyanice nume barki itam ime.

¹²Desa mazi vana uka dura, da unu keseba, desa da memani unu itam, ingi ma ira Biyayau bi eze madi sumima ceki itam me, Biyayau me bidi zike itam me bi samirkawe.

¹³Ma sumi barki me una katuma ki kirfi kani mada igizome ini itam ba.

¹⁴Nimani unu tarsa ina anu uhuma, in rusa am, am wa rusam.

¹⁵Acoo me ma rusam, nima in rusa acoo me, ma nya nice num barki itam.

¹⁶In zin in ire itam sade ini goo nige niniba itam iginome, ya cuku, in ēn in ini, we cangi wadi kuna nimyira num barki wa cukuno nigoo ni inde unu utarsa u inde.

¹⁷Barki ane ani acoo ma hem in ni ma nya iriba barki in kem me.

¹⁸Unu zika ume ahira am ma raniba, ini nice num ma nya shi me barki ma bari in nya me, inzini ubari in ziki me. Na kaba ubuka ugino me ahira acoo um.

¹⁹“Uhana ace wa ribe anyimo ama Yahudawa, barki ogoran agino me.

²⁰Gardan anyimo awe wa gu, nizin unu gbardan, unu iranza mani. Barki nyanini in zinu kunna ume”.

²¹Aye aweme wa gu, agoran agino da ade sa mazin in na gbargena mani ba. Nani una gbargene mada ke ma poki aje urubo?

²²Uganiya u udi kpechu a Urushalima wa aya.

²³Uganiya unikuzi nini, Yeso mahak anyimo anikobo ni Sulemanu.

²⁴A Yahudawa zogizi wa gu, “Unu maya uni idi ceki duru, anyimo ma, aye, ingi hama iri Asere, bukan duru ti rusa”.

²⁵Yeso magun we, “In boo shi a ani daki ya hem ba, imum be sa in wuza anyimo nizana acoo um ine ini ibezizi me aveni.

²⁶Vat ani me daya hem ba barki shi da itam in ini ba.