Joni 10:5-26

⁵Onke'nesaza nera, tamage hu'za zamagra amagera ovugahaze. Hagi atre'za fregahaze, na'ankure zamagra ontahi'nesaza agerutera kore hugahaze.

⁶Jisasi'a fronka kefinti zamasmi'neanagi, zamagra nankna kema Agrama zamasmiana, ana kemofo agafa'a zmagra antahi ama osu'naze.

⁷Ana hzageno Jisasi'a mago'ene zamasmino, Tmagerfa hu'na tmagrikura nehue, Sipisipimokizmi kafana Nagra'ni'a mani'noe.

⁸Ko'ma egote'za e'naza vahe'mo'za, kumza vahekiza, vahe'za avazu hugahaze. Hianagi sipisipimo'za zamagerura ontahigahaze.

⁹Nagra'ni'a kafana mani'noe, iza'o Nagri'teti efresimo'a knare huno mani'neno, efreno atiramino nehuno knare tra'zankura hakregahie.

¹⁰Hanki kumzafa vahe'ma esuno'a, kumzafa seno, ahe nefrino, eri haviza hunaku egahie. Nagrama e'noana zamagra zamasimu e'neri'za, ana asimu eri avitetfa hanazegu e'noe.

¹¹Nagra'ni'a knare sipisipi kva ne' mani'noe, Knare sipisipi kva vahe'mo'a Agra'a sipisipireku huno asimura atregahie.

¹²Zgo erinakuma avrema antesigeno erizama erisia ne'mo'a, sipisipi kva omnino sipisipi nefa'a omni'neankino, kesigeno afi krama esigeno'a, sipisipia atreno fresigeno, afi' kramo (wulf) zamagene reno zamahe panani hugahie.

¹³Na'ankure agrira zgo erizante avrente'nazankino sipisipigura agesa ontahino, agra zamatreno fregahie.

¹⁴Nagra'ni'a knare sipisipi kva mani'noe, Nagra sipisipi nagani'a ke'na antahi'na huge'za, zamagra Nagrira nage'za nantahi'za hu'naze.

¹⁵Ana hu'negu Nenfa'a, Nagrira nageno nantahino nehige'na, Nagranena Nenfana age'na antahi'na hu'noe, Nagra nasimura sipisipimokizmire atregahue.

¹⁶Ruga'a sipisipini'a ama kegina agu'afina omni'naze, Nagra anahu kna hu'na zamaresuge'za, nagerura nentahi'za, zamagra magoke afu kevu hu'za mani'nageno, magoke afu kva vahe manigahie.

¹⁷Ama'na agafare Nenfa'a avesi'nenante, na'ankure Nagra nasimura atretena, hagi ete nasimura erigahue.

¹⁸Mago'mo'a nasimura Nagripintira eriotre'gahie, hianagi Nagra'ni'a navesite antregahue. Nagrira hanaveni'a me'neankina antete'na, Nagripi hanavea me'neankina ete nasimura erigahue. Ama'na kea Nenfa nasamino huo hu'neankina hugahue.

¹⁹Na'ankure anagema hiazanku, Jiu vahe'mo'za zamagra'zmi mago'ene tarefi refko hu'naze.

²⁰Rama'amo'za hu'za, kefo hankro'mo agu'a fre'negeno negi neneanki, nahigetma naneke'a nentahi'ze?

²¹Mago'amo'za anage hu'naze, hankro'mo agu'afi fre'nea vahe nanekea omne'ne. Hankromo'a avu asuhu vahera erihari hanigeno kegahifi, onkegahie?

²²Anante mono noma renagi'za Anumzamofo ami'naza ne'zane kna Jerusale kumate fore hu'ne.

²³Zasi ko atu knafi, Ra mono kumapi Jisasi'a, Solomon agire asamare'naza no kinte'nafi vano hu'ne.

²⁴Jiu kva vahe'mo'za Jisasina eme regagi'za, anage hu'za asmi'naze, nama'a kna kagra tazeri antesanketa kvega antegahune? Kagra Kraisiga mani'nenunka huama hunka amne tasmio.

²⁵Jisasi'a kenona zamire anage huno zamasmi'ne, Nagra ko tamasmi'nogetma, tamagra tamentinti nosaze, mika eri'zama Nenfa agifima enerua eri'zamo, Nagri nazeri ama nehie.

²⁶Hianagi tamagra tamentintia nosaze, na'ankure Nagri sipisipia tamagra omni'naze.