Job 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Elifaz sogdebalid: “Job, emisgindi be binnasuli golena, doa be-abin-imakdagodibe. Ar biti-baliwitur-gwensakse be golodibe.

²Ar emargi-isdar-binsalegedi, dule-binsaedsulid-oburgwed. Emargi-nobgulegedi, dule-binsaedsulid-oburgwed.

³An-sunnad an dakdaed, dule-binsaedsulidaedi igi nasgumaidae, degite, sikwas-naogua, e-neguya wioleddabalid.

⁴Dule-binsaed-sulidaed-e-mimmigandina, dule-e-bendaked satedaed, igar-naboleged-neggine nue-ibitodamalad, dule-e-irwa-gwisgued satedaed.

⁵Deginbali, dule-binsaedsulidaed-e-ibmar-digarmaladi, dule-ukudmaada-gudimalad e-ibe wedamalad. Gunmalagala iko-abargi e-ibe wedamalad. Dule-uku-uku-itodimaladi, a-dule-ibmar-nuegan-bukidar-nikadgi nue-nobe itodamalad.

⁶Ar ibmar-isgana, yogasaar ainisulid. Ar bonigan-abingalegedi, walagwen noardasulid.

⁷Ar igi soo-e-ditismakedi soogi daniki, debayobi, naibi-itolegedi dulegi danimogad.

⁸”Ani an weyob gunaina, bato an dika Bab-Dummadga an-bonigan an sogsabinnena.

⁹Ar Bab-Dummad ibmar-gegerdaklemalad imaked, bukidar ibmar-dakledisurmalad imaked. Akusunna-itoge anmar-imaked.

¹⁰Ar Bab-Dummadi dii owimaid, sapurgi dii-wiega imakmaid.

¹¹Bab-Dummadi, dule-san-dummarba-imaksulid-e-nug ogannoged, degine, dule-naibi-itodimalad bendakbalid.

¹²Bab-Dummadi, dule-emar-binsaed-gaed-ibe binsaed obured, adi, e-ibmar-imakedgi mer nasguegar.

¹³Bab-Dummadi, dule-emar-binsaed-gaed-e-binsaed, egi aibinega imaked, degi, ibmar-isgana-imakbied e-ibe oburbalid.

¹⁴Bab-Dummadi, a-dule ibgine yolegega imaked. Ar amba neg-meegwadgi-gudiiyob-gudiile, mutikidba-gudiiyob yolegega imaked.

¹⁵Bab-Dummadi, dule-wileged bendaked, dule-isdar-sunmakdimaladgi bendakbalid, degi, dule-sabsur-emar-imakdimaladgi bendakbalid.

¹⁶Ar Bab-Dummadi, dule-wileged ogannoged, degine, dule-ibmar-isgana-imaked-gaya-maklegega imakbalid.

¹⁷”Dule Bab-Dummadse-nuguega-odurdaklegedi, ¡egi nued binsalesadid! Degisoggu, Bab-Dummad-Bela-Gangued-Nikadi be-odurdakele, mer be isdar itoge.

¹⁸Ar Bab-Dummadi, naibi-emar-imak-inigwele, emar-nudakbalid. Bab-Dummadi, amba emargi-yole-inigwele, emarga nunmaked osulobalid.

¹⁹Bab-Dummadi, bonigangi be-ollorsamaiguad. Ar amba be bonigan-abalagi-gunaile, be-bendakoed.

²⁰Ukud-dummad-nagunonikile, Bab-Dummadi be-oburgwega be-imakosulid. Bila-onoleged-nagualile, es-suidgi-burgwega be-imakosurbalid.

²¹Gaya-isgana begi milealile, Bab-Dummadi, akarguega be-imakosulid. Degine, neg-isgued-nonikile, bai be itogosulid.

²²Aka be neg-isgued-abin alledii guoed, ukud-abin be werguoed. Degine, ibdurgan-ursirmar-abin be gwayosulid.

²³Ar akwamar be-nainu oichogosulid, ibnuedga bega guoed. Ibdurgan-ursirmar be-ibmar-digarmalad be-ibe ebugosulid.

²⁴Be-neguyagine, nueganbi be garmakdii guoed, degine, be-sibad-wawaadmar be ebichialile, bega sogedba bukwa be dakoed.

²⁵Mimmigan-bukidar be nikuoed, waganmar gaganmar-aineyobi be nikuoed.

²⁶Seredgi amba nollosuli be neg-uangi megdapoed. Igi ibmar-gwag-goresadgine, e-iba-sogedbali welege, deyobi, be-iba-sogedba be burgwidoed.

²⁷”Ar anmar bela we-ibmar bega sogedi, bato anmar nue-daksad, we nue-napiragwadid. Degisoggu, nue be itoge, be-sunnad be itoge. Ar bega ibmar-nuedga guoed.”