Job 28

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Job sogdebalid: “Manimala, ormala napa-urba amileged, sooyagi diree imaklesiid.

²Esgoromala, napa-yaba onolesiid, esnon-goromardi akwamargi onolesiid.

³Dule-akwa-nuegan-amimaladi, bar negsichid-nai daksurmalad. Negsichidgi-akwamar-bukwadi ese onilebukwad. Yaamargi-akwa-nuegan-nikadi bela onimalad.

⁴Neg-uluba-nanaledisulidgi yaamar akwimalad. Matusuli yaa akwimalad. Dubba bannumakar aidedamalad. Dulemargi dikasuli neg-urba gunanaidamalad

⁵Yaa-matusulidgine arbananaidamalad, neg-uere-itoledaed-yabali gunanaidamalad, abali, masgunned amididamalad.

⁶A-yabali, akwa-dummagangine akwa-nued-zafiroʼye-nugad onomalad, a-napa-yabali, or amimarbalid.

⁷Sulubmar we-yaa-gwisaled dakdisurmalad, sulub-e-atakedi, we-yaa-gwisaled-e-gulluse ataksulid.

⁸Ibdula-ursirmaladbela, a-yaa-gwislegaledyaba dogdisulid. Achumigurbela ese walikgudisulid.

⁹Dule-akwa-nuegan-amimaladi akwa-nuegan-amiegale, akwa-dutusulid sarsonagusdamalad, akwa-e-sailamarse-bakale, onodamalad.

¹⁰Akwa-dummagan-akwimalad a-yaba dii-oiirmakega yaa-dummagan omesdamalad. Dii-iirmakmaidbali akwa-nuegan-bukwadi bela magar dakdamalad.

¹¹Akwa-nuegan-amiegala, diwar-e-sailase warmakdamalad. Ibmar-dukuar-bubukwad bela negache onodamalad.

¹²”Degite, ¿bia binsaed-nued-nikagued danisunna? ¿Bia gurgin-nuegan-nikulegedde danimosunna?

¹³Binsaed-nued-gargeguedi dule wissulid. We-binsaed-nuedi we-napneggi danisulid.

¹⁴Muu-billi-maidbela soged: ‘Binsaed-nuedi, angi danisurye.’ Demarbela sogmogad: ‘Binsaed-nuedi, angi amilesurmoye.’

¹⁵Or-nuegangine, binsaed-nuegana amilesulid, manigine, binsaed-nuegana baklesulid.

¹⁶We-napneggi amba or-Ofir-bukwadgi binsaed-nuegan gege bakleged. Amba akwa-nued-óniceʼye-nugadginbela gege bakleged, akwa-nued-zafiroʼye-nugadginbela gege baklebalid.

¹⁷Binsaed-nuedi, bur or-nueganba, akwa-diamanteʼye-nugadba bur gargerbasailad. Olua-or-nuegangi-sobaledbo geg binsaed-nuedi ogwaleged.

¹⁸Binsaed-nuedi, akwa-bisgi-nueganba ibnuedid, dimmurgiid-e-akwa-yeerdaklegedba bur sunsogedid.

¹⁹Akwa-nued-topacioʼye-nugad Etiopíaʼgi-nikadi, gege binsaed-nued-nikagued-ebo yobi gued. Binsaed-nued-nikaguedi gege or-sunsogedgi bakleged.

²⁰”Degite, ¿bia binsaed-nued-nikaguedde danisunna? ¿Bia gurgin-nuegan-nikulegedde noarsunna?

²¹Binsaed-nued-nikagued bela emargi dukumaid, nuumarbela gege binsaed-nued-nikagued baramimogad.

²²Bergulegedi, degi, burgwedi, weyob soged: ‘Unnila, anmar binsaed-nikagued-e-nug-dummarba-guedbi itodimoye.’

²³”Unnila Bab-Dummadbi binsaed-nikagued-igar wisid. Binsaed-nuedi bia daniki, bia binsaed-nikaguedi amilebali, nue-wisbalid.

²⁴Bab-Dummadi, we-napneggi galu-sukunmar-bubukwadse-bakale, wisid. Soggwensaale, napneggi-ibmar-bukwad gwen egi yoggusisulid.

²⁵Bab-Dummadi, burwaga e-gangued mesnaigua, degine, muu-billiga e-dungued mesnaibargua, binsaed-nued-nikaguedi daksagusad.

²⁶Bab-Dummad, dii-wiedga igar mesnaibargua, mar-goledga igar mesnaibargua,

²⁷binsaed-nued-nikaguedi daksagusbalid. Bab-Dummadi binsaed-nued-e-gargegued daknaigusbalid, degine, binsaed-nued-nikagued wilubdaknaigusbalid, geb binsaed-nued-nikagued bargannononikid.

²⁸Bab-Dummad dulemarga sogded: ‘An-dobekwaa-nanaedi, binsaed-nued-nikaadaedye. Degine, ibmar-isgana-imakedgi-banguedi, ibmar-wisi-daedbarye.’ ”