Job 23

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Job, Elifaz-abin-imakded:

²“Emi amba an naibi-itoged-abalagi sunmakoed, amba Bab-Dummad sabsur-an-imaknaid.

³An wisina, bia Bab-Dummad mai, degi, an e-maidse sunna nabir moena,

⁴an san-bendakegala an bela ega ibmar sogsaled.

⁵Bab-Dummad-ibmar-sogbied an wisgusaled. Degidbali, an magar itononikiled.

⁶Bab-Dummad angi sabsur-gwisguega, ¿e-gangued angi oyogergebsi? ¡Suli! Angi gwisgussuliled, unnila an-itonai gusaled.

⁷Dule-innikidaedi, Bab-Dummad-asabinni sunna na san-bendaked. Andina, anga-igar-naboged-asabin degisadegu ollorgusaled, ibmar-oakalossuliyob an-daksaled.

⁸”Aisaar an Bab-Dummad-amidiinad. An dad-nakwedsik nadele, an daksulid, dad-argwanedsik nadbalile, an daksurbalid.

⁹Bab-Dummad dad-nakwed-argan-sapiledsik-gunaile, an daksurbalid. Dad-nakwed-nuedsik-gunaile, an daksurbalid.

¹⁰Bab-Dummaddi bela an-gudiid nue-wisimakaled. Bab-Dummad an-wilubdakye-sogele, or-swilimakaleyob an gusaled.

¹¹Bab-Dummad-Igarba an nue-nanadiid, e-sogedba an nanadiid, an egi bangudisulid.

¹²E-Igar-sogsagusadgi an bangudisulid. E-ibmar-sogsadi, an-gwage-ulubgi an sediid.

¹³”Bab-Dummad na ibmar-imakbiedba imakmaid, ¿doa ega akar-sogoe? Na e-abegedba ibmar imakmaid.

¹⁴Bab-Dummad, igi-an-imakoye na sogsa, deyob an-imakoed. Ibmar-baigan-bukidar ayobi, na e-abegedba imakoed.

¹⁵Agala, an Bab-Dummad-asabin dobee itodaed. We-ibmargi an bela binsaddibe, nue-dobe an itoddaed.

¹⁶Bab-Dummad-Bela-Gangued-Nikadi an-niga-egwachad, nue-dobed anga uksad.

¹⁷We-ibmar-bela-angi-gunaidi, an-gayamakosulid, an nunmaked-dummad-itonai-inigwele, amba an ibmar sogedsegad.”