Jesaja 64

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Go sambâŋ fotâcnerâ wahanʒaŋ, eme tiki jaŋe gore maio qiriŋ qanʒapiŋ me!

²I ʒoczi nâŋ qaqa wiac ʒâseŋkeekac â opâ ʒarâ du âteekac irec sâc, ehuc râsifâcge jaŋe ʒâŋegere fuŋne bataniŋke‐jaretec mananʒapiŋ, eme ŋicne ŋicne jaŋe gore maio ɋarac ɋarac qanʒapiŋ.

³Ehame go wiac hâhâwicne, nâŋe irec ʒâŋe mi fieŋgopeneŋ, i moc enʒaŋ, go wahanʒaŋ me, eme tiki jaŋe gore maio qiriŋ qanʒapiŋ!

⁴Fuŋnaonecteaŋ Anutu mocte biŋe mâcne, gore mocjaha ʒiŋuc hone manac ekicne: Gorao roweckeekac e bafickehuc juekic.

⁵Buafec jaha tiŋne jujure gie baeŋgopieŋ â gore hatao juhuc manasucgueŋgopieŋ jaŋehec bâbâfuac eekic. Manakic, go aaric manameŋ, nâŋe ine sifu sâqocne bambeŋ, ehuc dameŋ ʒora râpecguhuc jumbeŋ.

⁶Nâŋe iŋuc ehuc ʒeŋgoma ŋic wâwânâŋhec iŋucne embeŋ, â eebapa‐nâŋec tiŋne i ŋaqi sohoŋ ruacnekicne irec sâc ewec. Nâŋe ʒeŋgoma jâc rehacne iŋucne hâmo ɋaŋac eeŋgopeneŋ â sâqocne‐nâŋeczi mâŋâŋ iŋucne erâ ficne suec‐nâpoekac.

⁷Moczi moc ʒâŋege mi riwaseckeekac me gorao roweckeocte mi afeckeekac; go ʒâŋe maige bâsoŋke‐nâremeŋ ehuc kiŋbahac‐nâŋeczi bâmâc‐nâpoocte qikiŋ‐nâpomeŋ hâcne.

⁸Erâ Wofuŋ, go sifu mamac‐nâŋec jukomec, nâŋe afe, goki ine kuʒifâcge bacnâpomeŋ, nâŋe ʒeŋgoma meqâreŋfâcge.

⁹O Wofuŋ, go aaric boc mi manac, ehuc sâqocne‐nâŋecte mi mac manasu‐nârehuc juzemec. Go mana honec, nâŋe ʒeŋgoma ŋicfâcge mi juŋgopeneŋ me?

¹⁰Tiri hae sâkofâcge jaŋe sesuctac embiŋ, Zioŋ i sesuctac ewec wâc, Jerusalem i niniŋ siarereŋ fokac hâcne.

¹¹Tirific‐nâŋec eri qaraweŋnehec, maŋnao mamacfâc‐nâŋec jaŋe muteŋ bâteŋ egarehuc jumbiŋ i ʒocte nânâ ewec, ehame wiac ʒâŋe rara biaŋ‐nâŋec i wâc ima bafârekicne.

¹²O Wofuŋ, go wiac i hone takirezo mukic me? Erâ dâŋemâc juhuc boc badapec‐nâpozo mukomec me?