Jesaja 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Jei, Etiopiare opâ sâko ocniŋucnao mâreŋ fokac, i gisic jaŋere fakec fânâŋzi sâcke‐fâreekac.

²Mâreŋ i hâcne kiŋaŋŋicfâc‐ticne Nilu opâ hatao sorec‐jopame woke papacne irec faio opâ bâjâpehuc raeŋgopieŋ. Hata kiŋaŋ kike afec, ŋoŋe ŋic ʒoricne â sahac fâsâc jaŋerao raniŋ, ʒorickonec â bembeŋkoneczi hâhâwic bajareeŋgopieŋ, tâpiri wânʒâŋ â ima bapa‐jeŋichec â opâ sâkozi mâreŋ‐jeŋic qâfâuckekac ŋic i jaŋerao hâcne raniŋ.

³Mâreŋ sâko mâreŋ ŋecjucfâc‐ticne sasawa â mâreŋne mâreŋne juraŋgopieŋ ŋoŋe tikio ma âkendâŋnepie domakac ira ʒâŋe fipie razejec, â qeŋ qapie hazec râenʒepieŋ.

⁴Wofuŋ e kecʒiŋuc nazawec hâcne: “Ʒoaŋ ɋaɋacko sawazi gerec gerec baekac, me qa roro dameŋte fârorocko hoe sisicte karorac ŋeekac, no irec sâcko ŋeŋe‐naneo aimuŋ ŋehuc ʒâŋe fipemu.”

⁵Eme qa roro dameŋ mi maickeha âri qaqa dameŋ tarame waiŋ hândâŋ qeuezo eha ine runezi tieŋne sâqezi hetâcneocmu â qaŋeŋne hetâcne behec eocmu.

⁶Jaŋe ʒeŋgoma tikio tucwipe â mâreŋko jueŋgopieŋ qowi jaŋere nânâ eniŋmu; eme wipe jaŋe ʒoaŋ dameŋko â mâreŋ qowi sasawa jaŋe mâmâteŋ dameŋko ira ju fofo eniŋmu.

⁷Dameŋ ira ine ŋic ʒoricne â sahac fâsâc, jaŋe Anutu Tâpiri Ɋuŋɋasaŋ Wofuŋ taha bafisicneniŋmu; ʒorickoneczi mecne bembeŋkoneczi mecne hâhâwic bajareeŋgopieŋ, tâpiri wânʒâŋ â ima bapa‐jeŋichec, opâ sâkozi mâreŋ‐jeŋic qâfâuckekac ŋicguru i jaŋe Zioŋ tikio, Anutu Tâpiri Ɋuŋɋasaŋ Wofuŋ ere ʒâŋe fokacko iŋuc eniŋmu hâcne.