Jesaja 31

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Jei, Aigita ŋic jaŋe bafic‐jopaniŋte jaŋerao hueŋgopieŋ, jaŋe becâsic â ʒika keretac bocjahare manapie feha becâsicko rara ŋic sasanaŋ‐jeŋicte erâ jaŋerao roweckeeŋgopieŋ, ehuc Israere Tiri rune erao ʒâŋe mi fieŋgopieŋ â Wofuŋ wira basac mi ecneeŋgopieŋ!

²Eki ine maŋɋârâŋhec juhuc mume sisipiric fuaekac, e dâŋticne fâri tâmiric eocte moc mi muekac; aricne, e sâqocne bapa guru â ŋic sindaŋne bafic‐jopaeŋgopieŋ jaŋe mâmâc râsi ejareocmu.

³Aigita ŋic jaŋe Anutu mâcne, jaŋe ŋic sawa, â becâsicfâc‐jeŋic jaŋe mâro aricne, jaŋe soc biuc sawa. Wofuŋ e meticne sicneme Israe ŋic bafic‐jopaeŋgopieŋzi biric boroc eniŋmu â bafic‐jopakicne jaŋe rândiŋkeniŋmu, jaŋe mâmâc jaha hâmo sipiric eniŋmu hâcne.

⁴Wofuŋ e ʒiŋuc nazawec hâcne: Laioŋ kâcɋene me piticne moc e qowi‐ticne sakarehuc ŋuruŋneha lama soŋaŋ guru sâko tumaŋnehuc orâŋkepie ojowa‐jeŋicte mi fâfâreocmu â fânâŋ‐jeŋicte mi hâwickeocmu irec sâc Anutu Tâpiri Ɋuŋɋasaŋ Wofuŋzi Zioŋ tiki botâŋnao ʒika qaocte wahaocmu.

⁵Wipe jaŋe furuc furuc qahuc motecfâc‐jeŋic ŋezic‐jopaeŋgopieŋ, irec sâc jaha Anutu Tâpiri Ɋuŋɋasaŋ Wofuŋzi Jerusalem ŋezickeocmu, ŋezickehuc bataraocmu, â akickehuc bafickeocmu.

⁶O Israere ŋicfâc, ŋoŋe Wofuŋ râpeckerâ behe sanaŋkembiŋzi erao mocwâc risieniŋ!

⁷Manaŋgopieŋ, meŋeŋiczi nemuɋâŋ siliwa â golzi bahuctecne sâqocne bâfuambiŋ i dameŋ ira ʒeŋgoma qikiŋne behec eniŋmu.

⁸“Eme Asiria ŋic jaŋe ʒika kiniŋmu i ŋic ʒika aricne, â ʒikazi nâcjopaocmu i mâreŋ ŋic jaŋere ʒika aricne, jaŋe ʒikare hâhâwicte wiseniŋmu â ŋicmotecfâc‐jeŋic jaŋe kâpâcwâru giere biŋe eniŋmu.

⁹Fekicne‐jeŋiczi hâhâwicte erâ omaeocmu â micnefâc‐jeŋic jaŋe maŋjeŋic gâckeme filac beheniŋmu,” Zioŋko ʒocticne ʒahuc fokac â Jerusalemko ʒafe‐ticne ŋekac, Wofuŋ ere dâŋ iŋuc.