Jesaja 52

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹O Zioŋ, go mana ɋâɋârec, ehuc tâpiri rorâ sanaŋkec! O Jerusalem, tiri hae, go eri ŋaqige hetec huoc! Manakic, ŋic ma tâmiric â wânâŋhec jaŋe haemaŋgao mocwâc mi raʒinʒepieŋ.

²O Jerusalem hae, kâpâcwâru bacgukicne, go sahacgaonec gâc wândoc itiriŋketec wahame faharec; o Zioŋte otâ, upegao niŋgiŋ fokac i firuetec wahaoc.

³Wofuŋ e ʒiŋuc mukac hâcne: “Ŋoŋe furi tâmiric bacŋopa rakicne irec moneŋ tâmiric jaha batarac‐ŋopazo.

⁴Wofuŋ Anutu e kecʒiŋuc mukac hâcne: Ŋicfâc‐nane jaŋe Aigita mâreŋko jaba juniŋte mârâc jaha ira humbiŋ; eme ʒâhec Asiria ŋic jaŋe fuŋne tâmiricko bâʒâic‐jopambiŋ.

⁵Ʒiŋuczia ine ʒira wemo wiac fua‐narekac, Wofuŋzi iŋuc mukac; ŋicfâc‐nane furi tâmiric bacjopa rakicne i; bomboŋ ejareeŋgopieŋ jaŋe aŋara heeŋgopieŋ, ehuc ʒâŋe‐nane i ʒoaŋ sâc ʒuʒuhuc jaha musoriŋkeeŋgopieŋ, Wofuŋzi iŋuc mukac.

⁶Irec ŋicfâc‐nane jaŋe ʒâŋe‐nane mana taranʒepieŋ; ehuc ʒoaŋ ira ʒiŋuc mana taranʒepieŋ, noni hâcne dâŋ ʒiŋuc muekopac: No ʒine hâcne.”

⁷Kiŋaŋ warekac, joroc kike biaŋ, ohec ohec, tiki hatao biŋe biaŋ barâ fisikac. Wama dâŋ muhuc juju biaŋte biŋe bawarekac, ehuc bâbâpiaŋ dâŋ musokakac. Zioŋ âzâcnekac: “Anutugezi ŋicwofuŋ gie bakac.”

⁸Hazec râeniŋ, ruc bapa ŋicfâc‐ŋeŋic qâturerâ ʒeri gae marac sâko heŋgopieŋ, ʒâŋezi hohonec ehuc mana ʒiziweŋgopieŋ: Wofuŋzi Zioŋko risie warekac.

⁹Ajoc, Jerusalem hae sesucne sesucne, gae micʒonʒoŋ‐ŋeŋic fuaoc, Wofuŋzi ŋicfâcne bâmiriŋ‐jopakac, Jerusalem niŋgiŋ‐ticne goroŋkekac.

¹⁰Wofuŋzi tiri tâpiri‐ticne bâfuakac, ŋicne ŋicne jaŋere maio. Mâreŋ qaŋeŋne jaŋe iŋuc jaha Anutu‐nâŋecte bâbâpiaŋ hone‐fâreniŋmu.

¹¹Wiserâ raniŋ, wiserâ raniŋ, Babe haeonec waharâ raniŋ, ehuc wiac mamakâcne ba bâuac moc mi eniŋ; Wofuŋte râqâc wiac ameckeeŋgopieŋ ŋoŋe hae irec maŋnaonec waharâ raniŋ, â maŋsahac‐ŋeŋic ʒure ɋaɋackeniŋ!

¹²Ŋoŋe fâro ehuc mi wahanʒepieŋ erâ ʒocnehec mi wisenʒepieŋ. Wofuŋzi bânie‐ŋareocmu â Israere Anutu e râpefuŋ‐ŋeŋicko fâhuc juocmu.

¹³Manaŋgopieŋ, kiŋaŋŋic‐nane e gie‐ticne bame fârinehec eocmu, e fahareme dopeckezo, eme fekicne sâko erâ juocmu.

¹⁴Sahac‐ticne ŋic gâcne jaŋere sâc mi bâfuahuc mamakâcne ewec â hawari‐ticne i ŋic nâŋâcne iŋucne wâc aricne, irec ŋic bocjaha jaŋe e honehuc bipic‐jeŋic taraocmu.

¹⁵Eme ŋicguru bocjahazi iŋuc jaha wareckeniŋmu, ehame ŋicwofuŋ jaŋe ere erâ fâsâerâ domaniŋmu; jaŋe wiac ʒâŋe furu honeniŋmu â dâŋ hazec furu mananiŋmu irec.