Jesaja 55

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Wofuŋzi ʒiŋuc mukac: “Me, opâre hâmoŋgopieŋ ŋoŋe opâo ware‐fâreniŋ, â moneŋ tâmiric juŋgopieŋzi ware wiac furi mâc ro nâc eniŋ. Ware waiŋ opâ â susu furine baniŋ, moneŋ tâmiric â okac babazu tâmiric rorâ nâniŋ.

²Wemocte wiac mi nânânere moneŋ‐ŋeŋic beheŋgopieŋ? Â nâ gapec mi eenere ʒâic gie baŋgopieŋ? Dâŋnane paŋʒâic manarâ wiac biaŋne nâniŋ, wiac wokemaŋnehec nâhuc mana ʒiziweniŋ.

³Hazec‐ŋeŋic râerâ norao wareniŋ, ehuc dâŋ manapie maŋ qâqâtâc‐ŋeŋic ɋâreoc; eme Dawidihec ʒâʒâfic epec irec feŋeŋko ŋoŋehec ʒâʒâfic sanaŋ ezepac.

⁴E hâcne ŋicguru jaŋere mumutaniŋ âkendâŋnepo, erâ micne â mumutâc jujareocte mucnepo.

⁵Manakic, ŋicne ŋicne ʒâŋe ruruŋ‐jopakic i wira‐jarezemec, â kâuc bacguŋgopieŋzi gorao quruŋ herâ fisiniŋmu. Wofuŋ Anutuge â Israere Tiri rune ere erâ eniŋmu, eki gore ʒâŋe biŋe bafaharewec hâcne.

⁶“Wofuŋ e bâbâfuane biaŋ juhame basanʒepieŋ, e bembeŋko juhame wiracnenʒepieŋ.

⁷Sâqocne bapa e hata‐ticne behezejec, â hehesicnezi mamanasu‐ticne qikiŋnezejec; ehuc Wofuŋtao risieme maŋuruc qacneocmu, Anutu‐nâŋectao wareme kiŋticne buafec jaha behecneocmu.

⁸Wiac nore mamanasu i ŋoŋere mamanasu mâcne, â ŋoŋere hata i nore hata mâcne, i Wofuŋzi mukac.

⁹Sambâŋzi mâreŋ beherâ faic jâmbâŋ fokac, irec sâc nore hatazi ŋoŋere hata beherâ fekac, â nore mamanasuzi ŋoŋere mamanasu sirickekac.

¹⁰“Hoe â titikuc jahe sambâŋkonec wahaekopirec, erâ ira mi ririsie mâreŋ bâgunuckeekopirec, ehuc gume he siwiŋ ecnekupire wâcwiac âkeʒuekac, eme hesaracte ukic â hobure nânâ fuaekac,

¹¹sâc ijaha nore mickonec dâŋ wahaocmuzi ezejec; i aputac erâ norao mâc mi risiezejec. Mâcne, no mana biric ecnekopac gie i bazejec, â hata kiŋaŋ sorekopac irec fârine bâfuazejec.

¹²“Irec ŋoŋe ʒeri ehuc fahare ranʒepieŋ, eme wamao jowac‐ŋopazo. Rahapie mâreŋ tikine â facne jaŋe ʒeri bari eniŋmu, â kâtere jâczi ofac heŋareniŋmu.

¹³Fâpâ uupic irec okacne ʒariŋ âkeʒuocmu, â ʒâŋte okacne ware imbirua fuaocmu. Eme i honehuc Wofuŋ muteŋkehuc juniŋmu; i ma fofo sanaŋ mi bâbârâriene eocmu.”