ISAIA 55

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹E! Ranu mase taudia iboudiai ese ranu bae mai henia, bona asi ena moni tauna na bainema, baine hoihoi, baine aniani. Aoma, vine ranuna bona rata ba hoi, asi monina bona asi davana.

²Dahaka dainai emui moni o negeamu, basio ania ḡauna davana, bona emui hekwarahi danu, boga basine hakunu ḡauna davana? A kamonai henigu balaheni, ḡau namodia bavani, aniani gaihona ba moalelaia.

³Taiamui a hakala, lau dekegu baoma; a kamonai, laumamui bae mauri helaoreana; bena lau na umui ida baita hegwauhamata heheni, baine mia hanaihanai gwauhamatana, egu hebogahisi korikori David enai.

⁴A itaia, lau ese hereva ihamomokanina tauna ai na halaoa, bese idau-idau ediai, bona bese idau-idau igunalaidia tauna ai, bona edia lohia ai danu.

⁵A itaia, do asi dibamu basileiadia ba boiridia, bona asie dibamuva basileiadia na dekemu bae heau mai, Iehova, emu Dirava bona Israel ena Helaḡa Diravana, dainai; badina be ia ese vada e hahairaimu.

⁶Iehova a tahua, doini ba davaria diba negana ai; a boi henia, ia na doini kahikahi negana ai.

⁷Kara dika tauna ese ena dala baine rakatania, bona kara gageva-gageva tauna ese ena lalo-hadai baine rakatanidia, Iehova baine lou henia, bena ia ese baine bogaia hisi, eda Dirava baine lou henia, bena ia ese ena dika idoinai baine gwaua tao.

⁸Badina be Iehova na e tomu: Lauegu lalo-hadai na dia emui lalo-hadai, bona lauegu dala na dia emui dala.

⁹Badina be guba na tanobada daenai heḡereḡerena, lauegu dala na emui dala daediai, bona lauegu lalo-hadai na emui lalo-hadai daediai.

¹⁰Badina be medu bona medu-hetarina na guba amo e dihomu na heto, bena asie dae loumu, a tanobada e haparipariamu, bena uma anidia e tubumu bona e tuhutuhumu, bena hadohado tauna ese uhe e davariamu, bona baine aniani e tomu tauna ese aniani e animu,

¹¹heḡereḡerena ai, lau udugu amo e lasimu herevana na unu baine heto, ia na basine lou henigu kava, a egu ura baine haḡuḡurua, bona dainai na siaia ḡauna ena namo baine habadaia.

¹²Badina be moale ai ba raka lasi, bona maino ai bae hakaumui lasi; umui vairamui ai ororo badadia bona maraḡidia ese ane bae lada isi, bona tano paka audia iboudiai ese imadia bae patapata.

¹³Au ginigini gabuna ai beroso auna baine vara, bona ava ḡiniḡini gabuna ai keroro auna baine tubu; bena unu na Iehova ihelalolaina ḡaudia ai baela, bona mia-hanaihanai toana, basine henege daure diba ḡauna.