Jesaia 55

1

2

5

6

7

8

9

11

12

28

30

31

32

33

35

40

41

42

43

44

45

46

49

50

52

53

54

55

57

60

61

63

64

65

66

¹“Ajôc, amac lau, taŋ bu gêjô amac naŋ, samob andêŋ bu amêŋ. Ma amac, taŋ nêm mone masi naŋ, amêŋmaŋ. Akôc ma aniŋ. Mêŋakôc wain to su ŋaôma toŋaôli masigeŋ.

²Amboac ondoc, tec ajaiŋ nêm mone kêpi gêŋ, taŋ gêlôm amac amboac mo atom naŋ, ma nêm kôm ŋaôli gêjô gêŋ, taŋ gêôc amac tôŋ atom naŋ. Aŋô, aŋô ŋoc biŋ ma oc aniŋ geŋ ŋajam ma nêm katôm oc êtap moasiŋ ŋajam sa.

³Akêŋ taŋem ma andêŋ aê amêŋ. Aŋô gebe nêm katôm oc sêŋgôŋ mateŋ jali. Aê oc jamoatiŋ poac teŋgeŋŋa êndêŋ amac êtu têtac gêwiŋ teŋgeŋŋa, taŋ gajac mata gêdêŋ Dawid naŋŋa.

⁴Ôlic acgom, aê kakêŋ eŋ gêwa biŋ sa gêdêŋ lau tomôkê-tomôkê, ma kêtu tenteŋlatunêŋ ŋatau to gôliŋwaga.

⁵Ôlic acgom, aôm oc ômôêc lau tomôkê-tomôkê, taŋ gôjam kauc êsêac naŋ, ma lau tomôkê-tomôkê, taŋ sêjam kauc aôm naŋ, oc dêndêŋ aôm sêwac êtu Apômtau, aômnêm Anôtô ma Israelnêŋ ŋac dabuŋ, taŋ kêwaka nêm ŋawasi sa naŋŋa.”

⁶Ansom Apômtau, gebe têm atap eŋ saŋa tec gêc. Aweŋ ênac eŋ, gebe gêmoa amac ŋagala.

⁷Ŋac sec êwi nê lêŋ siŋ ma ŋac alôb-alôb êwi nê biŋ, taŋ taê gêjam naŋ siŋ ma êmu êndêŋ Apômtau êna êtiam gebe eŋ tau oc taê walô eŋ. Eŋ êmu êndêŋ aêacnêŋ Anôtô êna gebe eŋ oc êsuc ênê sec ôkwi samucgeŋ.

⁸Apômtau kêsôm gebe “Biŋ, taŋ aê taêc gêjam naŋ, kêtôm biŋ, taŋ amac taêm gêjam naŋ atom, ma amacnêm lêŋ kêtôm aêŋoc lêŋ atom,

⁹gebe ŋasawa, taŋ geŋ aêŋoc lêŋ to amacnêm lêŋ ma biŋ, taŋ aê taêc gêjam to biŋ, taŋ amac taêm gêjam naŋ, gêŋgic naŋ, kêtôm ŋasawa, taŋ geŋ undambê to nom gêŋgic naŋ.

¹⁰“Aêŋoc biŋ oc êtôm kom to sno gêjac kêsêp aŋga umboŋ gêmêŋ ma oc êmu êpi êtiam atom e êmalôm nom ma ŋawê êpoa to êlêc sa ma êkêŋ ŋawê êndêŋ ŋac-kêpalip-ŋawêwaga to êkêŋ mo gebe lau sêniŋ. Ma aêŋoc biŋ, taŋ kêsa aŋga aocsuŋ gêja naŋ, oc êmu êmêŋ toŋanômê atom amboac tonaŋgeŋ. Oc ênam kôm êtôm taŋ aê taêc gêjam naŋ.

¹²“Gebe amac oc asa totêmtac ŋajamgeŋ ana ma jawê amac tobiŋmalôgeŋ. Lôc to gamêŋ ŋabau oc lasê êtaŋ êtu amacŋa ma ka saleŋŋa samob oc sêmakop lemeŋ. Ma kêmêsic oc êpi êjô gêŋ têkwa-têkwa ma môsi êpi êjô locgôm ma gêŋ tonaŋ êŋgôm Apômtaunê wae êsa ma êtu ŋabelo teŋgeŋŋa, taŋ senseŋ su atomanô naŋ.”