Isaias 31

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Mekehizuhizu kew is mibuyù te tavang diyà te Ehipto. Midsarig kew te meǥaan he menge kudè dan, mahabet he menge kerwahi zan, wey memezesen he menge pereuntud dan te kudà. Piru wazè kew midsarig te Nengazen, he Waǥas he Megbevayà te Israel, ne wazè kew mebuyù te tavang din.

²Tenged te ketau te Nengazen, ne ibpaaǥi zin is kezeetan; ne kenè din ebelvelewanan is nekaǥi zin. Edsilutan din is pemilya te lalung he menge etew wey is menge midtavang kandan.

³Is menge Ehiptohanen menge etew zà ne kenè Megbevayà. Is menge kudè dan, ne kenà heini menge mulin-ulin, kekenà, iring ded te zuma he menge kudà. Emun edsilut en is Nengazen, egkezeetan is Ehipto ragkes is menge nasyun he edtevangan kayi. Pudu heini egkezeeti.

⁴Iyan heini migkaǥi te Nengazen kayi te kedì, “Wazà ebpekeeǥen te erimaung te kedawi te edewiyen din minsan ebpengulahì pa is menge ebantey zutun te edewiyen. Ne iring daan kediey, wazà ebpekeeǥen kedì te kedipinsahi ku te Buvungan he Zion.

⁵Iyan a, Nengazen he Mekeǥeǥehem, iyan a ebantey te Jerusalem he iring te tagbis he ebantey te salag din. Edipinsahan ku wey edlibriyen ku heini.”

⁶Sikiyu is menge Israilihanen, likù kew en diyà te Nengazen he midsupak niw.

⁷Su egkeuma is timpu he idselikwey niw is tarù he menge ed-ezapen niw he pelata wey vulawan, he mibeelan niw tenged te mekesesalè kew.

⁸Ebpematey is menge tig-Asiria, piru kenà tenged te ispada te etew. Ebpeleǥuyan dan is tebek, ne egkehimu he menge uripen is menge vetan-en kandan.

⁹Ebpemelaǥuy is menge sundaru zan tenged te utew zan kegkahandek ne ebpekedsusuwey is menge upisyal zan emun egkeehè dan is bendirà te menge kuntada zan. Iyan heini migkaǥi te Nengazen, he egkeregreg is hapuy zin diyà te Zion, kes inged he Jerusalem.