Zaburi 98:1-9

¹Oh, mwimbieni Yahwe wimbo mpya, kwa kuwa ametenda mambo ya ajabu; mkono wake wa kuume na mkono wake mtakatifu vimempa ushindi.

²Yahwe ameufanya wokovu wake ujulikane; ameidhihirisha haki yake kwa mataifa yote.

³Hukumbuka uaminifu wa agano lake na uaminifu kwa ajili ya nyumba ya Israeli; miisho yote ya dunia itauona ushindi wa Mungu wetu.

⁴Mshangilieni Yahwe, nchi yote; pazeni sauti kwa wimbo, imbeni kwa furaha, na imbeni sifa.

⁵Mwimbieni Yahwe sifa kwa kinubi, kwa kinubi na wimbo wenye muiki wa kupendeza.

⁶Kwa panda na sauti ya baragumu, fanyeni kelele za shangwe mbele ya Mfalme, Yahwe.

⁷Bahari na ipige kelele na vyote vilivyomo, ulimwengu na wale wakaao ndani yake!

⁸Mito na ipige makofi, na milima ipige kelele kwa furaha.

⁹Yahwe anakuja kuihukumu nchi; naye ataihukumu dunia kwa haki na mataifa kwa adili.