Yaburina 98:1-9

¹Tantun bɛtina. Ɛ bɛti nɛnɛn ba Alatala xa. A bata kabanako feene liga! A en nakisima a sɛnbɛn nun a sariɲanna nan xɔn.

²Alatala bata a marakisin nun tinxinna yita siyane ra.

³A mi ɲinanxi a hinanna nun a tinxinna xɔn Isirayila yamaan xa. Bɔxɔn danne birin bata a to a en ma Ala bata en nakisi.

⁴Dunuɲa muxune birin xa sɔnxɔ sɛwani Alatala xa. Ɛ sɛwaxin yi sɔnxɔ han, ɛ yi a tantun bɛtini!

⁵Ɛ tantun bɛtine ba Alatala xa bɔlɔnna ra! Ɛ bɔlɔnna nun tantun bɛti xuini te!

⁶Ɛ xɔtane nun fenne fe. Ɛ sɔnxɔ sɛwani mangan xa, Alatala.

⁷Fɔxɔ igen xa a xuini te e nun seen naxanye birin a xɔrɛ ra. Dunuɲa muxune birin xa e xuini te.

⁸Baane xa e xuini te alo yii bɔnbɔ xuina! Geyane xa sɔnxɔ sɛwani e bode xɔn!

⁹E sɛwa Alatala yɛtagi, amasɔtɔ a fama nɛn. A fama nɛn, a kitine sa dunuɲa yi. A dunuɲa muxune makitima nɛn tinxinni, a siyane kiti a ɲɔndini.