YƐSÃÃ 98:1-9

¹Fɛyɛ̀nfɛ̀. Dentɛ̀nɛ̀ ti Yiɛ̀ nKuyie fɛyɛmpɑ̀nfɛ̀, kù dɔ̀ɔ̀ tìì diɛtì kpɛ́í. Nɛ̀ ku wɛ̃rímú diɛmù mmu kù dɛɛrímɛ̀.

²Ti Yiɛ̀ nKuyie mbɛnkɛmu kutenkù kù dɛɛrímɛ̀. Kuù bɛnkɛ yɛbotɛ̀ kù dɔ̀ɔ̀rimɛ̀ timɔ́mmɔnti.

³Kù í yɛ̃̀ mmɛsɑ̀ɑ̀ kù do yɛ̃ nkù yóó dɔɔ̀mɛ̀ Isidɑyɛɛribɛ, kù pĩ̀ḿmu kù bɛ́i ntì. Itemmɑ̀nkɛ imɔu kɔbɛ yɑ̀mu, Kuyie nkùù ti te kù ti dɛɛtɛ́mɛ̀.

⁴Kutenkù kumɔu kɔbɛ piɛtɛnɛ̀ ti Yiɛ̀ nKuyie, ndiènnɛ̀ kɛ íú.

⁵Mbiennɛ̀ kukùtìdùkù kɛ dɛ́úkùnko ti Yiɛ̀ nKuyie, kɛ́mbie ntibómbonti kɛ diè.

⁶Ndɛ́úkùnkonɛ̀ ku nɛ̀ siheú, nɛ̀ yɛtɑ̃tɛhe. Piɛtɛnɛ̀ ti Yiɛ̀ nKuyie nkuù tu okpɑ̀ɑ̀tì.

⁷Fɔ̃́ ndɑ̀mɛ́ɛ̀rì yɔ̃ɔ̃tɛ̀ nɛ̀ ɑ mɔkɛ dɛ̀ dɛmɔu. Kɛtenkɛ̀ nɛ̀ dɛ̀ɛ̀ kó dimɑ̀ɑ̀ bo ɑ miɛkɛ nyɑ̃nkunɛ̀.

⁸Díndi ikó, mpotɛ́nɛ̀ tipíɛ́tì. Díndi yɛtɑ̃rɛ̀ kɛ̀ di wɛ̃nnɛ́ kɛ́iitɛ.

⁹Ti Yiɛ̀ nKuyie nkèrínímu kɛ yóó bekɛ́nɛ̀ kutenkù. Kuù yóó bekɛ́nɛ̀ kutenkù kɛ̀ dɛ̀ nwenni. Kuù yóó bekɛ́nɛ̀ yɛbotɛ̀ sɛ́i.