Zaburi 77:1-17

¹Nitampazia Mungu sauti yangu, nitamuita Mungu kwa sauti yangu, na Mungu wangu atanisikia.

²Katika siku ya taabu nilimtafuta Bwana; usiku niliinua mikono yangu, nayo haikuchoka. Moyo wangu ulikataa kufarijiwa.

³Ningali nikiugua nilielekeza mawazo yangu kwa Mungu. Nilimfikiria Mungu nilipokuwa dhaifu. Selah

⁴Uliyafanya macho yangu yasisinzie; nilisumbuka sana kuongea.

⁵Nilifikiri kuhusu siku za kale, kuhusu mambo yaliyopita muda mrefu.

⁶Wakati wa usiku niliukumbuka wimbo niliouimba mara moja. Nilifikiria kwa makini na kujaribu kuelewa kile kilichokuwa kimetokea.

⁷Je, Mungu atanikataa milele? Je, hatanionesha tena huruma?

⁸Je, uaminifu wa agano lake ulikuwa umetoweka milele? Je, ahadi yake imeshindwa milele?

⁹Je, Mungu amesahau kuwa mwenye neema? Je, hasira yake imeifunga huruma yake? Selah

¹⁰Nilisema, “Hii ni huzuni yangu: mabadiliko ya mkono wa kuume wa Aliye Juu dhidi yetu.”

¹¹Lakini nitayakumbuka matendo yako, Yahwe; nitafikiri kuhusu matendo yako makuu yaliyopita.

¹²Nitayatafakari matendo yako yote nami nitayaishi.

¹³Njia yako, Mungu, ni takatifu; ni mungu gani wa kulinganishwa na Mungu wetu aliye mkuu?

¹⁴Wewe ni Mungu utendaye maajabu; wewe umeonesha nguvu zako kati ya mataifa.

¹⁵Uliwapa watu wako ushindi kwa uweza wako mkuu - ukoo wa Yakobo na Yusufu. Selah

¹⁶Maji yalikuona wewe, Mungu; maji yalikuona wewe, nayo yakaogopa; vina vya maji vilitetemeka.

¹⁷Mawingu yalitiririsha maji chini; anga zito lilitoa sauti; mishale yako ilipita kati.