Zaburi 37:5-36

⁵Umkabidhi njia zako Yahwe; uamini katika yeye, naye atatenda kwa niaba yako.

⁶Yeye ataidhihilisha haki yako kama mchana na usafi wako kama mwangaza wa mchana.

⁷Uwe kumya mbele za Yahwe na umsubiri yeye kwa uvumilivu. Usikasirike ikiwa kuna mtu anafanikiwa kwa kile afanyacho, au afanyapo njama za uovu.

⁸Usikasilile na kugadhabika. Usiogope. Hii huleta matatizo tu.

⁹Watendao maovu watafutiliwa mbali, bali wale wamngojao Yahwe watairithi nchi.

¹⁰Katika muda mfupi mtu mwovu atatoweka; wewe utatazama mahali pake, wala hautamuona.

¹¹Lakini wapole watairithi nchi nao watafurahia katika mafanikio makubwa.

¹²Mtu mwovu hupanga njama kinyume na mwenye haki na kumsagia meno.

¹³Bwana humcheka, kwa maana anaona siku yake inakuja.

¹⁴Waovu wametoa nje panga zao na wametayarisha pinde zao ili kuwaangamiza wanyonge na wahitaji, na kuwaua wenye haki.

¹⁵Panga zao zitawaua wenyewe, na pinde zao zitavunjika.

¹⁶Ni bora kuwa mwenye haki maskini kuliko tajiri mwenye mali nyingi.

¹⁷Kwa maana mikono ya watu waovu itavunjika, bali Yahwe huwasaidia watu wenye haki.

¹⁸Yahwe huwalinda watu wasio na lawama siku hadi siku, na urithi wao utakuwa wa milele.

¹⁹Hawata aibika siku mbaya zijapo. Wakati wa njaa ufikapo wao watakuwa na chakula cha kutosha.

²⁰Bali waovu wataangamia. Maadui wa Yahwe watakuwa kama vile utukufu wa malisho; watamalizwa na kupotezwa katika moshi.

²¹Mtu mwovu hukopa lakini halipi, bali mtu mwenye haki ni mkarimu na hutoa.

²²Wale walio barikiwa na Mungu watairithi nchi; wale aliowalaani watafutiliwa mbali.

²³Hatua za mwanadamu zinaimarishwa na Yahwe, mtu ambaye njia zake zinakubalika machoni pa Mungu.

²⁴Ajapojikwaa, hataanguka chini, kwa kuwa Yahwe anamshikilia kwa mkono wake.

²⁵Nilikuwa kijana na sasa ni mzee; sijawahi kumuona mtu mwenye haki ametelekezwa wala watoto wake kuombaomba mkate.

²⁶Wakati wote yeye ni mkarimu na hukopesha, nao watoto wake hufanyika baraka.

²⁷Acha uovu na ufanye yaliyo mema; ndipo utakapokuwa salama milele.

²⁸Kwa maana Yahwe hupenda haki naye hawaachi wafuasi waaminifu. Wao hutunzwa milele, lakini uzao wa waovu utafutiliwa mabli.

²⁹Wenye haki watairithi nchi na kuaa huko milele.

³⁰Mdomo wa mwenye haki huongea hekima na huongeza haki.

³¹Sheria ya Mungu wake imo moyoni mwake; miguu yake haitelezi.

³²Mtu mwovu humvizia mwenye haki na kutafuta kumuua.

³³Yahwe hatamuacha yeye kwenye mkono wa mtu mwovu wala kumlaumu atakapohukumiwa.

³⁴Umngoje Yahwe na uishike njia yake, naye atakuinua uimiliki nchi. Atakapo waondosha waovu wewe utaona.

³⁵Nimewaona waovu na mtu wa kutisha akienea kama mti wa kijani katika udongo wa asili.

³⁶Lakini nilipopita tana mara nyingine, hakuwepo pale. nilimtafuta, lakini sikumpata.