Zaburi 139:1-24

¹Ee Yahwe, wewe umenichunguza, na unanijua.

²Wewe unajua nikaapo na niinukapo; unayajua mawazo yangu tokea mbali sana.

³Unachunguza wenendo wangu na kulala kwangu; unazijua njia zangu zote.

⁴Kabla hakujawa na neno kwenye ulimi wangu, wewe unalijua kabisa, Yahwe.

⁵Nyuma yangu na mbele yangu unanizunguka na kuniwekea mkono wako.

⁶Maarifa hayo ni mengi yananizidi mimi; yako juu sana, nami siwezi kuyafikia.

⁷Niende wapi mbali na roho yako? Niende wapi niukimbie uwepo wako?

⁸Kama nikipaa mbinguni, uko huko; kama nikifanya kitanda changu Kuzimuni, tazama, uko huko.

⁹Kama nikipaa kwa mbawa za asubuhi na kwenda kuishi pande za mwisho wa bahari,

¹⁰hata huko mkono wako utaniongoza, mkono wako wa kuume utanishika.

¹¹Kama nikisema, “Hakika giza litanifunika, na nuru inizungukayo itakuwa usiku,”

¹²Hata giza lisingweza kuwa giza kwako. Usiku ungeng'aa kama mchana, maana giza na nuru kwako vinafanana.

¹³Wewe uliumba sehemu zangu za ndani; uliniumba tumboni mwa mama yangu.

¹⁴Nitakusifu, kwa maana nimeumbwa kwa jinsi ya ajabu. Nafsi yangu yalijua hili vizuri sana.

¹⁵Mifupa yangu haikusitirika kwako nilipoumbwa kwa siri, nilipoumbwa kwa ustadi pande za chini za nchi.

¹⁶Uliniona ndani ya tumbo; siku zote zilizo pangwa kwangu ziliandikwa kitabuni mwako hata kabla ya siku ya kwanza kutokea.

¹⁷Ni jinsi gani mawazo yako ni ya thamani kwangu, Mungu! Njinsi ilivyo kubwa jumla zake!

¹⁸Kama nikijaribu kuyahesabu ni mengi kuliko mchanga. Niamkapo bado niko na wewe.

¹⁹Ee Mungu, kama ungewaua waovu; ondokeni kwangu enyi watu wenye vurugu.

²⁰Wanakuasi wewe na kutenda udanganyifu; adui zako wananena uongo.

²¹Je, siwachukii hao, wale wakuchukiao Yahwe? Je, siwadharau wale wanao inuka dhidi yako?

²²Nawachukia kabisa; wamekuwa adui zangu.

²³Ee Mungu, unichunguze na kuujua moyo wangu; unijaribu na uyajue mawazo yangu.

²⁴Uone kama kuna njia ya uovu ndani yangu, na uniongoze katika njia ya milele.