Zəbur 22:1-6

¹Musiqi rəhbəri üçün. Davudun «Ayyelet haşşaxar» üstə oxunan məzmuru. Ey Allahım, Allahım, niyə məni tərk etdin? Niyə ah-zarımdan uzaq durursan, mənə imdad etmirsən?

²Ey Allahım, gündüz çağıranda mənə cavab vermirsən, Gecə rahatlığım yoxdur.

³Nə qədər müqəddəssən! İsrailin həmdləri üzərində taxt quran Sənsən!

⁴Ata-babalarımız Sənə güvənmişdi, Sənə güvənəndə onları xilas etdin.

⁵Sənə yalvararkən qurtuldular, Sənə güvənərkən rüsvay olmadılar.

⁶Lakin mən torpaq qurduyam, insan deyiləm, Adamların tənə hədəfiyəm, Xalq mənə xor baxır.