SALMOS 22:1-6

¹¡NoTeco Dios! ¡NoTeco Dios! ¿Para tlen techtlahuelcajtoc? ¿Para tlen timohuejcachijtoc huan amo tihualajtoc para techmanahuiqui? Amo tijtlacaquilía quema nitlatzajtzilía.

²NoTeco, tonali yohuali amo nimosiyajquetza nimitznotza, pero amo technanquilía.

³Huan masque quej nopa eltoc, ta quejipa titlatzejtzeloltic. Nochi tohuejcapan tatahua tiisraelitame mitzyahualojque huan mitzhueyichijque.

⁴Totatahua mochixque ipan ta. Quena, motemachijque mopan ta huan ta tiquinmanahui.

⁵Mitznojnotzque quema tlaijiyohuiyayaj huan tiquinmaquixti. Mopan ta motemachijque huan amo tiquinpinahualti.

⁶Pero na nimomati quen se pilocuiltzi huan amo nise masehuali. Sequin san nechhuetzquilíaj huan sequinoc nechcualancaitaj.