Psalmaro 22:1-6

¹Al la ĥorestro. Por ario: Matenkrepuska Cervino. Psalmo de David. Mia Dio, mia Dio, kial Vi forlasis min, Kaj estas malproksima de mia savo, de miaj plendaj paroloj?

²Mia Dio, mi vokas en la tago, kaj Vi ne respondas; En la nokto, kaj mi ne trovas trankvilon.

³Sed Vi estas sankta, Ho Vi, kiu loĝas inter la glorado de Izrael.

⁴Vin fidis niaj patroj; Ili fidis, kaj Vi ilin helpis.

⁵Al Vi ili kriadis kaj estis savataj; Vin ili fidis, kaj ili ne devis honti.

⁶Sed mi estas vermo kaj ne homo; Mokata de la homoj, malestimata de la popolo.