1Maluxu song gamong lunia Yona sabu mala rangua Toxoratamona, Urana inia.
2Ina harua ba: “Maluxu mauxangagia ngawagi mala ranguaung, saing uhaxuya nga. Maluxu haxek long matiamia ngaxaba mana haulinga, saing ulungu nga.
3Uting nga mari tek lunia, tek lung sibunia, saing tega kau nga masup; rubamdi halunglung etua manga.
4Ngaharua ba, ‘Ngawa sukaingia mana maxamdi, ning bagula ngabagu numam sabanga xaiyua muli.’
5Tega ma etua manga saing libu nga ngangara; tega kau dalinga manga masup, saing lamlam dahahauya toxogua.
6Ngada mari bimbi namuya maluxu tek lunia, maluxu mana titia baguli gamgaminga wa saing sanga ba ngagiti te bungingbunginalo. Ne ung, O Toxoratamona Urana ngayua, oxop nga mahaing sangua long matiamia saing ngawau.
7“Bungina ngaxunumia ba ngabo ngamati, ngahatumia ung, Toxoratamona, saing sabungagua haing mala ranguaung, mala numam sabanga xaiyua.
8“Lipudi disabu mana babu olangdi disauya kubolu bagu disum maung ba.
9Ne bagula ngawaya olaidi mana diti yama, nga bagula ngatata naung. Baru xalinginta ngaharua ba ngalibu maung bagula ngalibu. Toxoratamona, ung ganim sibuna uhauliam!”
10Tauna, Toxoratamona harua haringina na songga ba baing xua Yona tek singia.
