Text copied!
CopyCompare
Sbö Tjl̈õkwo - Jonás

Jonás 2

Help us?
Click on verse(s) to share them!
1Eni ga Jonás sök mã l̈i bö roshkoshko ga syõshtono ba Sbö Jehová kong. Tjl̈ẽ ga
2«Jehová, tja woydëshko ga pja rokoror, ga tja kar dboryorop. Tëm dl̈ung dorong dwayo, tja wol̈on döröshko ga pja rokoror, ga tja kurop.
3Tja ichorop jer dl̈ung dorong, ga tja popnena dl̈ung mäs l̈irë. Ba pjl̈ubl̈ún këskës l̈i to jek bor kjing go.
4Kur ga tja iorop beno sök tjoksa. Bop u ĩn ame l̈oror.
5Tja jnena dl̈ung dyorë uunkong, tja kjingara dl̈ung rong l̈irë, dl̈ung kjl̈o sho opl̇l̇gwing jong bor dl̈u go.
6Tja opl̈ono jer öötong shäng dl̈ung dl̈upyo jer äärshko. Kur ga tja shduna, iara beno sök eshko ĩyado. Gueniyo ga tja wol̈ontoshko ga tja dörop. Pja bor Sbö Jehová.
7Kur ga tja wol̈on döröshko ga Jehová, pja woyoshroror, ga bor syõ öötong bop shwoy, öötong bop u jong l̈ishko.
8Ëye mär sböpga jyãgl̈o go ga kjimtëp ame.
9Gueniyo bor tjl̈õkwo pjl̈ú go ga l̇l̇ëbo sör, twër ber bop kong. L̇l̇ëye l̈oror bop kong jl̈õkoyo l̈i shäryër eni. ¡Jehová, bor döga l̈i pja eröe!» l̈e.
10Eni ga mã l̈i ichara Jehovárë Jonás tjwë dl̈ung kjako.