Text copied!
CopyCompare
Kâte Bible - Jona

Jona 2

Help us?
Click on verse(s) to share them!
1Eme Jona e qowimaŋko fohuc Wofuŋ Anutu‐ticne kecʒiŋuc muhuc numucnewec:
2“No ʒârâ ʒâpâ faio fohuc Wofuŋ wira wâwâsic ecnepe mana‐narewec. No hâmoc haeo juhuc kio wâwâsic egarepe go wira wâwâsic‐nane manameŋ.
3Go ʒâkâŋ sâkoo tuŋnutec hupo, hâwec ʒâkâŋ fâhâŋnao hâcne, eme ʒâkâŋ sâkozi foŋnuwec, hâwec siri â temboŋgezi qâurucnu‐fârewec.
4Eme kecʒiŋuc manapo: ‘No ʒâŋe maigaonec tuŋnukicne irec tiri ufuŋge wemocko mocwâc honepemu.’
5Opâ sâkozi qâurucnume juju‐nane omaezo ewec, ʒâkâŋ sâkozi foŋnuwec â hâwecte gagaraczi qizec‐nane qâfisewec.
6No mâreŋ fuŋnezi hâwecmaŋko hurâ tarakac irec sâc hujâmbâŋkepo, eme mâreŋko ririsiere motâc basanaŋkekicne fowec; goki ine nombâŋkonec mocwâc bawefucnumeŋ, o Wofuŋ, Anutu‐nane.
7Maŋnane betaŋkehame Wofuŋ gore manasupo, eme nunumu‐nanezi gorao hefâku tiri ufuŋgao fisiwec.
8Nemuɋâŋ jabane dape‐jareniŋmu jaŋe jâcsanaŋ‐jeŋic râpeckeniŋmu.
9No muteŋ bâteŋ egarehuc taha bagarepemu; no dâŋ mupaŋkepo i ejâmbâŋkepemu hâcne. Wiac Wofuŋ go ŋeŋezic‐nâŋec jukomec i!”
10Eme Wofuŋ e qowi mucneme Jona tiŋko maŋume fewec.