Yunusa 2

1

2

3

4

¹Alatala yi yɛxɛ gbeen nafa a yi Yunusa gerun. Yunusa yi lu yɛxɛ gbeen kui soge saxan, kɔɛ saxan.

²Yunusa yi yɛxɛ gbeen kui waxatin naxan yi, a yi Alatala, a Ala maxandi.

³A yi a fala, a naxa, “N yi tɔrɔni waxatin naxan yi, Alatala, n yi i maxandi, i yi n yabi. N to yi faxan dɛ, n yi i xili, i yi n xuiin namɛ.

⁴I bata n woli baani tilinna ma. N bata lu mɔrɔnne bun, xunfanne birin danguma n fari.

⁵N yi a falama nɛn, n naxa, I bata n kedi i yɛtagi. Koni, n mɔn i ya banxi sariɲanxin toma nɛn.

⁶Igen bata te han n kɔɛna. N bata lu tilinna ma. Fɔxɔ igen sɛxɛne yi filin n xunna ma.

⁷N bata yi godo igeni han geyane bun. Bɔxɔn bata yi raxutu n ma han habadan. Koni i tan Alatala, n ma Ala, i bata n kɛndɛn ba faxan dɛ.”

⁸“N niin ba waxatini, n yi n miri i tan Alatala ma, n ma maxandi xuiin yi sa i li i ya banxi sariɲanxini.

⁹Naxanye suxurene batuma fuyan ne e makuyama hinanna nan na.

¹⁰N tan saraxane bama i xa nɛn, n yi barikan bira i xa bɛtini. N dɛ xuiin naxanye tongoxi, n yi ne liga. Alatala, i tan nan kisin kanna ra.”

¹¹Alatala yi yɛxɛn yamari alogo a xa sa Yunusa baxun xaren na.