1मिनु योनामी ङांइ आ कोव़ज रे पा परमप्रभु यावे कली लोव़ पवा बाक्त।
2मिनु मेकोमी परमप्रभु यावे, आ परमप्रभु कली “गो आं श्येत जतीके रे लोव़ पाता। मिनु आं कली लोव़ लेत्ताक्यीनी। गो बेक्शो मुर आन बाक्तीके रे ब्रेत्ती। मिनु गे आं सेंदा नेंतीनी। भजन संग्रह १२०:१
3गे आं कली समुन्द्र आगाम ताइक्ताक्यीनी। आं एर ओंथ ब्वाक्कु ला बाक्शो बाक्त। ब्वाक्कुमी आं कली गिल्शा, आ छाल आं तारी रे लाम्तेक्म। भजन संग्रह ४२:८
4गोमी ‘इन क्येङा ङोन दुम्शा, इन योव़शो खिं मुल गेनायो मताइनुङ’ दे मिम्ताक्ङ। भजन संग्रह ३१:२२
5आं एर ओंथ ब्वाक्कु बाक्तीके, हेरा बेक्ती। गो ब्वाक्कु आगाम बाक्ङानु, आं पिया लेउम सुम्शो बाक्त। भजन संग्रह १८:५; भजन संग्रह ६९:२
6मिनु गो समुन्द्र आगा क्येङा यो लुक्च ग्रुम्ती। गो गेनायो मग्रूचा ङा पा ग्रुम्ती। तन्न परमप्रभु यावे, आं परमप्रभु गे आं कली बेक्चा रे प्रोंइतीनी। भजन संग्रह १०३:४
7आं थुं लुक्च लशा, गो परमप्रभु यावे, इन कली मिम्शा, इन कली लोव़ पाता। मिनु इन बाक्तीके रे आं लोव़ नेंतीनी। भजन संग्रह १४२:२-४
8जाम्शा लाइब मूर्ति कली थमा सुइक्बपुकीमी इन शिशी मताइनीम। भजन संग्रह ३१:७
9गो चहिं ‘गे रिम्शो पाइब बाक्नीनी’ देंशा, इन कली ठेयब सेल्नुङ। गो इन कली देंशो लोव़ खाप्नुङ। परमप्रभु यावे, गे मुर आन कली श्येत रे प्रोंइब बाक्नीनी” दे लोव़ पवा बाक्त। भजन संग्रह ५०:१४; भजन संग्रह ११६:१७-१८
10मिनु परमप्रभु यावेमी ङांइ कली “योना कली ब्वाक्कु रे ग्रुंइशा रागीम तेवो” दे अरेवा बाक्त। मिनु ङांइमी मेको कली ब्वाक्कु रे ग्रुंइशा, रागीमी तेवा बाक्त।
