Text copied!
CopyCompare
Urana Xuana - Yona (Jona)

Yona (Jona) 3

Help us?
Click on verse(s) to share them!
1Baing Toxoratamona sina haruanga na Yona muli ba:
2“Umesa ula mana long sabanga Ninibe, ubaxanga na lipudi haruanga ngasina naung ba.”
3Yona mesa naxu mana Toxoratamona haruanganoa saing ila Ninibe. Ne Ninibe long sabanga sibuna sanga'm uhaxa xaidap luwa hiliana.
4Yona ungguti haxangua maluxu mana longga ba, saing kimuya mana xaidap tela sup, baxanga ba, “Kimuya mana 40 xaidap sup, Ninibe bagula hanggalang masup!”
5Lipu Ninibeamdi dahatumia Urana. Baing dahau hatuminga tela disaha mana angingua saing lipu longgalo yanam, lipu xoliana dihing riap mana hatanga usingangadingdi xaung duxugia hatumingadingdi.
6Bungina xaitamoxidinga lungu haruanga li, mesa kabukabu haruanga lungunganamia, unia yauyaungandi, hing riap mana hatanga usinganganoa, saing rung hayatia.
7Baing sina haruanga mala na lipu Ninibeamdi: “Xaitamoxi xaung yanamindi am gabaxanga nang: “Labu lipu tela xang axamang telau tai; Ang lipu longga ba, asaxa nangnangdi sabanga kimbo kaxukana labu axang xaung anung axamang telau tai.
8Ang lipu longgalo, asaxa nangnangdi axabubu mana riaba. Ang longgalo asabu haringina xaung hatumingaim mana Urana. Ang longgalo ayamu kubolu diana xaung kubolu xangxang titiamdi.
9Gaxarea xabia? Bo bila ba Urana xugia hatuminganoa; bo bila ba sauya gamianga, saing tamati te.”
10Bungina Urana bagu dilibu; bagu disauya kubolu diandi, xugia hatuminganoa saing haxuya kuboluding diandi te bila bo ba libu ba.