16Míì te kɛ̀ bɛkpɑ̀ɑ̀tìbɛ̀ nɛ̀ bɛhɛikɛ̀nkótíbɛ̀ nɛ̀ kɛtenkɛ̀ ĩ́nkɛ̀ kó bɛbeémbɛ̀ bɛmɔu kɛ̀ bɛ̀ bɑkɛ́.
17Bɛ̀ɛ̀ n dɔ́, m bɛ ndɔ́, bɛ̀ɛ̀ n wɑɑ̀, mbɛɛ̀ n yɑ̀u.
18Míì te tikpɑ̀tì nɛ̀ disɑ̃nni, tikpɑ̀tì tìì í deu nɛ̀ mɛborimɛ sɑ̀ɑ̀mɛ̀.
19M pɑ̃rɛ̀ wennimu kɛ pɛ̃ɛ̃tɛ́ mɛsɔɔ nsɑ̀ɑ̀mɛ̀, kɛ̀ n cɔ̃́ntimu pɛ̃ɛ̃tɛ́ idíítí.
20N kérí timɔ́mmɔnti kó kucɛ nku bɛnitisɑ̀ɑ̀bɛ̀ tũ nkù,
21kɛ dɔɔri mɛsɑ̀ɑ̀ mbɛ̀ɛ̀ n dɔ́, kɛ bɛ̀ duɔ̀ ntikpɑ̀tì.
22Kuyie nni ndɔ̀ɔ̀ kɛ̀ dɛ̀ mɔ̀ntɛmu, kù niitɛ́ kɛ́dɔɔ̀ mí nwe kɛ nɛ́ dɔɔ̀ dɛsɔnnɛ.
23M bomu sɑ̃́ɑ̃̀, kutenkù mu nyí dɔ̀ɔ̀ kɛ̀ m bomu.
24N yó mbo kɛ̀ dɑ̀mɛ́ɛ̀rìbɛ̀ nɛ̀ sibií kɛ̀ dɛ̀ mu nyí bo.
YƐKOTINƆ̀ 8
YƐKOTINƆ̀ 8:16-24