YƐKOTINƆ̀ 6:22-34

²²Iì yó ndɑ ni ɑ cèmmu, kɛ́ ndɑ bɑɑ ɑ duɔ́ dɛ̀, kɑ̀ɑ èntɛ ì ndɑ nɑ́ɑ́nnɛ̀.

²³A cicɛ nɛ̀ ɑ yɔ̃, bɛ tié ndò nfìtírɛ̀ ndɛ, kɛ tú kuwenniku, bɛ̀ dɑ kpɑnnɛ̀ kɛ dɑ bɛnkú mufòmmu cɛ nku.

²⁴Iì yó ndɑ kɑ̃nkɛ́ onitipòkù wèè dɔuti dɔutinɛ̀ bɛnitidɑɑbɛ̀ nɛ̀ otɔù pokù nùnɑɑtí.

²⁵A bɑ́ nyɑ́ɑ́ ndɛ kóo nitipòkù botí o wenniku kpɛ́í, bɑ́ɑ́ yie nkòò dɑ soutɛ́ nɛ̀ o nuɔ.

²⁶Onitipòkù wèè dɔù í bo kòò dɔuti dɔutinɛ̀ bɛnitidɑɑbɛ̀ o borɛ̀ ɑ kpɛrɛ ɔ̃ɔ̃ yɛ̀ sɑ́m̀pɔ́ nwe, wèè mɔ̀kɛ o dɔù kòò tɔ̀kɛ́nɛ̀ ò bo níntɛ́mɛ̀ ɑ fòmmu.

²⁷Òmɔù bo ɑ̃nnɛ́ muhɑ̃ɑ̃́ nho yɑɑ̀yɔ̀rɛ̀ miɛkɛ kòo yɑ̀ɑ̀tì bɑ́ɑ́ cɔ́útɑ́ɑ̀?

²⁸Onìtì bo nɑ kɛ́nkérí muhɑ̃ɑ̃́ miɛkɛ kɛ bɑ́ɑ́ cɔ́útɑ́ɑ̀?

²⁹Mɛɛ̀ botí nku ɑ bɑ́ɑ́ nɑ kɛ́kɑ́ɑ́kɛ́ ɑ kou pokù kɛ̀ bɛ̀ dɑ yóu.

³⁰Bɛ̀ ɔ̃ɔ̃ í ncĩ̀ɛ̃́ nwèè yùúkú kɛ bo kuɔ dikònnì dɔ̀mmɛ̀.

³¹Kɛ̀ bɛ̀ ò yɑ̀ ò ɔ̃ɔ̃ yietí kucɛ mɛ̀yiekɛ̀ ndi, kɛ́duɔ́ nho kpɛrɛ dɛmɔu ò mɔ̀kɛ dɛ̀ o cĩ́ɛ̃̀tɛ̀.

³²Wèè mɛ nduɔ́nɛ̀ otɔù pokù ò tu kuyɛìnkù nku, kɛ cɑ̀ɑ̀rɛ̀ o fòmmu.

³³Bɛ̀ ɔ̃ɔ̃ ò puotímu kóo fɛ̀ìkùnnɛ bɑ́ dɛ kó ifɛi bɑ́ɑ́ deè.

³⁴Dɛ̀ ɔ̃ɔ̃ yonkɛ o dɔù nwe kòo miɛkɛɛ pɛikɛ kòò mpɛiri bɑ́ mmɛsémmɛ̀ bɑ́ɑ́ ò pĩ.