1Okpɑ̀ɑ̀tì Demmuyɛɛri yɔ̃ ò tié nyìì tié.
2A tú m birɛ ndɛ, m birɛ mɔ́mmɔnnɛ, kéntɛ́ n tié.
3Bɑ́ɑ́ yóu kɛ̀ bɛnitipòbɛ̀ɛ di ɑ wɛ̃rímú, bɑ́ɑ́ tũnnɛ bɛ̀ɛ̀ fétìnko bɛkpɑ̀ɑ̀tìbɛ̀ bɛ kó kucɛ.
4Demmuyɛɛri, bɛkpɑ̀ɑ̀tìbɛ̀ nɛ̀ bɛ̀ɛ̀ bɑkɛ́ bɛ̀ í dò nkɛ́ nyɔ̃̀ mmɛnɑɑ̀ kperímɛ̀.
5Bɛ̀ yɑ̀ɑ̀ bo muɔ́ nkɛ́yɛ̃̀ nyikuɔ́ kɛ fɛ̃́ũ mbɛsénnìbɛ̀.
6Di níí duɔ́ mmɛnɑɑ̀ kperímɛ̀ wèè yóó kú, kɛ́duɔ́ mmɛnɑɑ̀ nwèè yɛ̀mmɛ̀ cɑ̀ɑ̀rɛ̀,
YƐKOTINƆ̀ 31
YƐKOTINƆ̀ 31:1-6