YƐKOTINƆ̀ 30:17-29

¹⁷Kòo nìtì sɑ̃̀ɑ̃́ nho cicɛ, kɛ sènkɛ̀rì o yɔ̃, yɛbɑnkɛte yɛɛ̀ yóó dokɛ́ o nuɔ, kɛ̀ itúúkɛ́ ò cɑ̀ɑ́kɛ́.

¹⁸Dɛ̀mɑrɛ̀ bo dɛ̀tɑ̃ɑ̃ti ndi dɛ̀ɛ̀ pɛ̃ɛ̃tɛ́ n ciì, dɛ̀nɑ̀ɑ̀ ndi ketíkɛ n yí nɑ kɛ bɑntɛ́ dɛ̀:

¹⁹Fɛtúúfɛ̀ kó kucɛ kɛĩ́nkɛ̀, fɛwɑ̀ɑ̀fɛ̀ kɔku ditɑ̃́rì ĩ́nkɛ̀, bɑ̀tóò cɛ dɑ̀mɛ́ɛ̀rì miɛkɛ, dɛ̀ɛ̀ yũɔ̃ nhonitidɔ̀ù osɑpɑ̀ɑ̀ mbíɛ́kɛ̀.

²⁰Ntɛ onitipòkù wèè dɔuti dɔutinɛ̀ bɛnitidɑɑbɛ̀ o borimɛ dòmmɛ̀, ò ɔ̃ɔ̃ di kɛ́deè kɛ́ũtɛ́ o nùù ndi kɛ dɔ̀ ò í dɔ̀ɔ̀ mɛyɛi mmɑmɛ̀.

²¹Dɛ̀mɑrɛ̀ bo dɛ̀tɑ̃ɑ̃ti ndi bɛnìtìbɛ̀ kɔ̃m̀bùɔ̀tì duò dɛ̀ kɛ dò nkɛtenkɛ̀ ɔ̃ɔ̃ ɑɑ́mɛ̀, dɛ̀ bo dɛ̀nɑ̀ɑ̀ ndi ketíkɛ kɛtenkɛ̀ yĩ̀ɛ̃̀kù dɛ̀.

²²Kudɑɑkù bo nɑɑ́mmɛ̀ okpɑ̀ɑ̀tì nɛ̀ kuyɛìnkù kùù yo nkɛ sɑ̀nnɛ̀,

²³nɛ̀ tɛpodɔ̀ntɛ̀ bo nyeḿmɛ̀ nɛ̀ kunitipodɑɑkù bo cɔutɛ́mɛ̀ ocɛ̃́pokù fɔ̃̀tìrì.

²⁴Dɛsĩ́ntɛ́kpɛrɛ bo titɔ̃ntì tìnɑ̀ɑ̀ ndi kɛtenkɛ̀ ĩ́nkɛ̀, dɛ̀ɛ̀ kɛ̃ńnì kɛ̀ dɛ ciì nnɛ́ dɛu.

²⁵Sikɛ̃ṹ sìì kpɑ muwɛ̃rímú, kɛ nɛ́ ɔ̃ɔ̃ wɑɑ́ nsi diitì kudisɛ̃ĩkù mɔ̀nnì.

²⁶Nɛ̀ yɛyíì yɛ̀ɛ̀ kpɑ muwɛ̃rímú kɛ nɛ́ keù yɛ fɔ̃ti yɛtɑ̃rɛ̀ miɛkɛ.

²⁷Nɛ̀ fɛcofɛ fɛ̀ɛ̀ í mɔkɛ okpɑ̀ɑ̀tì kɛ ɔ̃ɔ̃ yɛ̀ yɛtĩ̀rɛ̀ yɛtĩ̀rɛ̀.

²⁸Nɛ̀ yɛmɔnkɛ ɑ bo nɑ kɛ́pĩ́ nyɛ̀ nɛ̀ ɑ nɔ̀ùtɛ̀ kɛ̀ yɛ̀ nɛ́ ɑ̃ sikpɑ̀ɑ̀tìcɛ̃́ĩ miɛkɛ.

²⁹Dɛnɛnnɛ̀ bo dɛ̀tɑ̃ɑ̃ti ndi, dɛ̀nɑ̀ɑ̀ ndi ketíkɛ dɛ̀ɛ̀ cèmmu wenni.