YƐKOTINƆ̀ 28:5-17

⁵Bɛnitiyɛibɛ í yɛ̃́ dɛ̀ɛ̀ ci bɛ̀ɛ̀ dɔ́ Kuyie mbɛɛ̀ dɛ̀ yɛ̃́ dɛmɔu.

⁶Kɑ̀ɑ kpɑ ɑ kpɛrɛ, kɑ̀ɑ borimɛ wenni dɛ̀ tɔ̃ũnɛ̀ ɑ bo mmɔkɛmɛ̀ tikpɑ̀tì kɛ̀ mɛ̀ sĩ̀.

⁷Wèè yie nKuyie nkó ikuɔ́ ò tu dɛbísɑ̀ɑ̀rɛ̀ ndɛ, wèè nɛitinɛ̀ bɛ̀ɛ̀ borimɛ í wenni kòò ɑ̃ɑ̃̀ o cicɛ ifɛi.

⁸Wèè pènni idíítí kɛ̀ bɛ̀ bo nhò yietì kɛ nɔnku, wèè nìti kɛ pɑ̃ɑ̃ bɛcĩ̀rìbɛ̀, weè ɔ̃ɔ̃ tiekɛ dɛ yiɛ̀ nkó tikpɑ̀tì.

⁹Wèè í dɔ́ kɛ́keè Kuyie nkuɔ́, Kuyie nhɔ̃ɔ̃ í nkèè dɛ yiɛ̀ nkó mubɑ́ɑmmu.

¹⁰Wèè fétìnko bɛnitisɑ̀ɑ̀bɛ̀ ò bo do ò keú dìì fɔ̃̀tìrì miɛkɛ. Bɛnitisɑ̀ɑ̀bɛ̀ biɛ mɛ mpɛ̀ú mɛsɑ̀ɑ̀ mmɛ.

¹¹Wèè mɔ̀kɛ o kpɛrɛ o yɛ̀mmɛ̀ ɔ̃ ndò nhò ciìmu, ocĩ̀rì wèè ciì kòò nɛ́ ò dɑú.

¹²Kòo nitisɑ̀ù bɑɑtɛ́ dɛ̀ ɔ̃ nnɑɑtimu bɛnìtìbɛ̀, kòo yɛiwe bɑɑtɛ́ bɛ̀ nsɔtì.

¹³Wèè sɔ̀rì o yɛi nhò í yɑu mɛsɑ̀ɑ̀ mmɑmɛ̀, wèè mɛ̀ dɑ́ɑ nkɛ mɛ̀ yóu, Kuyie nwe cĩ́ɛ̃nko.

¹⁴Dɛ̀ nnɑɑti wèè dé ò bo dɔɔ̀mɛ̀ mɛyɛi, wèè to kpeńnì weè duò mɛyɛi mmiɛkɛ.

¹⁵Onitiyonkuwe wèè bɑkɛ́ bɛcĩ̀rìbɛ̀ ò dònnɛ̀ dicìrícìrì ndi dìì pɛ̀ú, kumuntũnkù kùù dɔ́ kɛ́pĩ́.

¹⁶Kukpɑ̀ɑ̀tìyɛìnkù fɛ̃́ũnko bɛnìtìbɛ̀ mbɛ, wèè í dɔ́ ticuuti kòo kpɑ̀tì mɔ̀nni.

¹⁷Wèè kùɔ onìtì weè ɔ̃ ncooti kɛ bií tɑnnɛ̀ kufɔ̃ti bɑ́ bɛ̀ í ò còńnɛ́.