YƐKOTINƆ̀ 27:9-16

⁹Mɛkɔpempemmɛ̀ nɛ̀ tùdɑ̀ɑ̀rí dɛ̀ nɑɑti mɛyɛ̀mmɛ̀ mmɛ kɛ̀ kunɛ́ponɑɑtí pɛ̃ɛ̃tɛ́ ɑ bo ntɑ̃́mɛ̀ ɑmɑ́ɑ̀.

¹⁰A bɑ́ɑ́ yóu ɑ nɛ́pobɛ̀, ɑ mɛ mbɑ́ɑ́ yóu ɑ cicɛ nɛ́pobɛ̀, kɛ̀ mɛhɑ́ɑ́rìmɛ̀ dɑ tùɔ̀kɛ ɑ bɑ́ɑ́ kɔtɛ ɑ tebitɛ borɛ̀, ɑ cɛ̃pɛɛtitɔù tɔ̃ũnɛ̀mu ɑ tebitɛ tɛ̀ɛ̀ dɛ́tirì.

¹¹M birɛ, nciì kɛ́nɑ́ríkùnko n yɛ̀mmɛ̀, kɛ n níí nɑ kɛ́tɛ̃́nnɛ́ bɛ̀ɛ̀ n sènku tinɑ́ɑǹtì.

¹²Mɛciì nyiɛ̀ nhɔ̃ɔ̃ yɑ̀ní mɛyɛi nkɛ́sɔrimu kɛ̀ kuyɛìnkù nkéróo kɛ̀ mɛ̀ɛ kù pĩ́.

¹³Kɑ̀ɑ í yɛ̃́ wèè dɑ mɔkɛnɛ̀ dibɑ̀nnì kòo tɔù yɛ̃ nhò bo dì yietí, cɔutɛ́ o yɑɑ̀bòrì kɛ̀ dì nduɔ́ ɑ borɛ̀ ɑ í ò yɛ̃́ mɛ̀ɛ̀ kpɛ́í.

¹⁴Kɑ̀ɑ dɔu nhɑ kou mɛkperímɛ̀ dikṹnweńnì, dɛ kó mudɔummu ɔ̃ ndò ndisɑ̃́ɑ̃̀nnì ndi o kpɛ́í.

¹⁵Onitipòkù yɛkpɑ̀rɛ̀ yiɛ̀ dònnɛ̀ fɛtɑɑfɛ̀ ɔ̃ɔ̃ ni kɛ̀ yɛ̀ɛ̀ nɛ́sĩ̀mbɑkɛ̀ ndóú yɛ̀nyɛ sɑ̃́ɑ̃̀.

¹⁶Wèè bo nɑ kɛ́pikú kuyɑɑkù yoo mɛkùɔ̀ mmɛ̀ɛ̀ yìɛ̀tɛ, weè bo nɑ kɛ́pĩ́ ndɛ kóo nitipòkù.