YƐKOTINƆ̀ 24:2-12

²Bɛ̀ dɔ́ kɛ́ndɔɔri mɛyɛi mmɛ kɛ nɑ́ɑ́ mmɛɛ̀ kpɛti mɑ́ɑ̀.

³Nɛ̀ mɛciì mmɛ bɛ̀ mɑɑ̀mɛ̀ tɛcĩ́ɛ̃̀tɛ̀, mɛciì mmɛɛ̀ ɔ̃ nte kɛ̀ tɛ̀ nkpeńnì.

⁴Nɛ̀ mɛciì mmɛ bɛ̀ ɔ̃ɔ̃ píɛmmɛ̀ yɛbuɔ tikpɑ̀tì tisɑ̀ɑ̀tì tìì wenni.

⁵Wèè ciì weè mɔ̀kɛ muwɛ̃rímú, wèè ciì weè kpetì dɛ̀úkú.

⁶Wèè bɑ̀ɑ́tí mɛsɑ̀ɑ̀ nweè ɔ̃ɔ̃ nɑ mudoò, wèè mɔ̀kɛ bɛ̀ɛ̀ ò duɔ̀ nyitié nkɛ̀ bɛ̀ sũ weè nɔ ndikpɑ̀nnì.

⁷Mɛciì nkó tinɑ́ɑǹtì pɛ̃ɛ̃tɛ́mu kuyɛìnkù wɛ̃rímú, dɛɛ̀ te kɛ̀ bɛ̀ tìí nkɛ nɑ́ɑ́ nkù ncĩ́ɛ̃́kɛ́.

⁸Wèè wɑnti mɛyɛi nsɑ̃́ɑ̃̀ bɛ̀ we ntu mɛyɛi ncicɛ.

⁹Kuyɛìnkù yɛntotí tú iyɛiyi nyi, bɛ̀ í dɔ́ kɛ́yɑ̀ tɛpɔ̀tɛ̀ yiɛ̀ fɛnɔ̀nfɛ̀.

¹⁰Kɛ̀ mɛhɑ́ɑ́rìmɛ̀ tùɔ̀kɛní kɑ̀ɑ bonkɛ ɑ do í kpeńnì.

¹¹Dɛɛtɛ́ bɛ̀ dɔ́ kɛ́kuɔ bɛ̀, bɛ̀ dɛ̀ri bɛ̀ kɛ kɔrinɛ̀ mukɔ̀ù, dɛɛtɛ́ bɛ.

¹²Kɑ̀ɑ yĩ ɑ do í yɛ̃́, Kuyie nkuu wúómmu, kunku yɛ̃́mu ɑ yɛ̀mmɛ̀, kù dɑ wúómmu, kuù bekùnɛ̀ bɑ́ wè o tɔ̃mmú dòmmɛ̀.