Proveps-Knare Nomaniza 9

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Knare antahizamo'a mago a'kna hu'neankino noma'a negino, 7ni'a noma azeri oti zafa antreno erisoe nehie.

²Hagi ana a'mo'a ra neza retro nehuno, waini tina tro huno nenteno, nezama ante trara retro huntene.

³Ana huteno eriza a'ne'a, vahe ome kehihogu hunezamanteno, agra rankumapina marerisga hunereti kezana atino,

⁴tamagi omane vahe'motane refakoma hutama kezampima atupama hu'nesamota,

⁵rukrehe huta nagrite etma ne'zana eme neneta, waini tima tro'ma huntenoana eme neho.

⁶Hagi neginagi kavukavama nehanazana netrenka nomanizanka'a agafa hunka erintese nehunka knare antahintahizana rempi hunka nentahinka anazana hunka vuo.

⁷Azanava kema hu vahe'mofoma azeri fatgoma hananana, kema asamisana kegura huhaviza hugantegahie. Kefo avu'avama nehanimofo azeri fatgo hu kema hananana, ana kegura kiza zokago ke hugantegahie.

⁸Ana hu'negu azanava ke'ma nehia vahera azeri fatgo osuo, avesra hugantegahie. Ama' antahizane vahe'ma azeri fatgoma hanankeno'a, avesigantegahie.

⁹Ama' antahintahine vahe avumrora nentegeno mago'ane antahintahifina, ama huno manino. Fatgo avu'ava zane ne' rempi hunemigeno antahintahi'afina mago'ane antahizana erino.

¹⁰Ramofoma koroma hunteno agorga'ama manizamo'a, knare antahizamofo agafa me'ne. Ruotage'ma Hu'nemofo kagra antahi ama'ma hananana, ama' antahiza erigahane.

¹¹Na'ankure knare antahizamo'a huno, nagriteti zazakna nemaninka mago'ane rama'a kafu manigahane hune.

¹²Kagrama ama' antahizama erisanana, knare antahizamo'a, mizama'a kamigahie. Kagrama kiza zokagoma huntesanana kagra'a haviza hugahane.

¹³Neginagi avu'avama hu'zamo'a mago a'mo rankege nehiankna hu'neankino, ke antahizama'a omanegeno, antahintahizana agripina omanene.

¹⁴Agrira noma'amo'a rankumamofona mesga huno me'negeno kahama'are manineno,

¹⁵zamagra'a erizante'ma vu fatgo huza kantema agatere'za vu'za e'zama haza vahekura, kezatino kea huno,

¹⁶atrenke'za zamagi omne vahe'mo'za rukrahe hu'za eho, nehuno refko hu'zama ke ama' osu'naza vahe'mokizmigura kea nehie.

¹⁷Kumzafama asenana timo'a knare haga hugahie. Hagi ne'zama kagragu oku'ama ne'nana ne'zamo'a haga hugahie.

¹⁸Hianagi fri'za me'ne hu'za nontahiza, ko'ma ana a'mofo nontegama vu'naza vahe'mo'zama fri'naza zankura nontahize.