Luka 1:67-79

⁶⁷Ɲyɛ ka Kile Munaani si pyàŋi tuŋi Zakari ɲî, maa u pyi u à mpe jwumpe jwo:

⁶⁸«Wuu Kafooŋi Kile kêe, Izirayɛli shiinbii u Kileŋi, ɲaha na yɛ u à Shwofoo niɲcɛnŋɛ yige u báarapyiŋi Dawuda tùluge e mà kan wuu á. U à pa si mpa u shiinbii tɛ̀gɛ si pi ɲùŋɔ wwû bilere e.

⁷⁰Uru shɛɛnre Kile tùnntunmpii mpyi a jwo fo tèemɔni i

⁷¹na u sí wuu yige wuu zàmpɛɛnbii cye e, wuu kyal'à pɛn mpiimu á ke, si wuu shwɔ pire na.

⁷²Lire cye kurugo, u à kacɛnnɛ pyi wuu tulyeyi na. Nde u mpyi a jwo u tunmbyaare tooy'e ke, u à lire pyi.

⁷³U mpyi a ɲwɔmɛɛni ndemu lwɔ́ wuu tulyage Ibirayima á, na u sí wuu yige wuu zàmpɛɛnbii cye e, bà wuu si mpyi s'a uru pêre fyagara baa mɛ, u à lire pyi.

⁷⁵Kile à lire pyi bà wuu si mpyi s'a katiigii pyi u yyahe taan, si ntaha uru kanni fye e wuu shìŋi puni i mɛ.»

⁷⁶Lire kàntugo ka Zakari si jwo u pyàŋ'á: «Mii pyàŋi, pi sí n‑pa raa mu pyi Kileŋi nìɲyi wuŋi tùnntunŋi, ɲaha na yɛ mu sí n‑pa ɲaara Kafooŋi yyaha na, si u kuni yaa.

⁷⁷Mu sí yi yyaha jwo Kile wuubil'á na u sí pi kapegigii yàfa pi na, si pi shwɔ.

⁷⁸Wuu Kileŋi ɲùɲaare ná u kacɛnŋkii kurugo, u à bɛ̀ɛnmpe yige wuu á mà yîri nìɲyiŋi na, mu à jwo canŋa ɲyiini nivworovɔnni.

⁷⁹Mpii pi mpyi a tɛ̀ɛn kwùŋi numpini i ke, u à bɛ̀ɛnmpe yige pir'á. U à yyeɲiŋke kuni le wuu taan.»