Aruku 1:67-79

⁶⁷Piya yuguna, abawampa Sekaraya Aota Awamusa'ama pumaeyogana, maya untiye:

⁶⁸Isureyo kina, tae Wa'egare Kotika ta'mu potaune, iye. Ataenabisa aokina'wa ampa taba puma aogi purataye, iye.

⁶⁹Piya, kayokaya yagara'wa Tebiti nkayabamapisa ka esegi yagara asitakana aogi puratakiye, iye.

⁷⁰Pai poropete kina'wa uwaitaogini, waiyaba mikena kamana umarantapa, iba aboraye, iye.

⁷¹Pigoya, kama kinatempi nkiyapisa tababumagina, aeba abima ata purata kina'mi nkiyapisa iyoba tatakiye, iye.

⁷²Piya, tayabamagi kao'ena puwaitama iyo'maekuwe, Koti piya untiye, iye. Pika maema ka aga'naena puratama, agu kao'ena ibaba purataye, iye.

⁷³Piyaba Koti tayabama Abara'amupa uma esegi potantika,

⁷⁴kama kinatempi igetisa iyoba tataka, aogima mpima kayokaya kina'wa mpimagina,

⁷⁵a'ya'ma yaga taeba ae aobi aota puma mima, aogi ki'i aegarakubompeka Kotiba ka esegi yagara asitakana aogi puratakiye, Sekaraya piya untiye.

⁷⁶Piya untana, Sekaraya a'wae puma yagarawaka maya omintiye: Pigoya, ma ntagaranto, kaeba Inatisa Wa'ega Yagarama poropete yagaragawe, ugamikibewe, iye. Piya, kaeba paitama Wa'egawama ki'i atakibene, iye.

⁷⁷Piya, kaeba aogi puratakena kamana uwaimegini, a'ya'ma aokinapa abikibewe, iye. Piya, aeba aru'enawaipa agaruba igasima ibabuntiye, iye.

⁷⁸Pigoya, tabe kao'ena Kotiba puratama, piya aogi puratamika, pi aeba mantarisa e'wasaena otakana taeti arakiye, iye.

⁷⁹Tununtanabi purikena kanta puma miye kina e'wasaena tamima aogi puratakiye, iye. Piya, paruyenama ki aboraka agama, kanara tanta paruyenabisa aegarakune, Sekaraya Yonika piya untiye.