Luk 1:67-79

⁶⁷Le Uwumbɔr Aafuur Nyaan gbiin Sekaria, u ye Jɔnn aate na, le ki cha u len Uwumbɔr aabɔr:

⁶⁸“Cha ti pak Tidindaan u ye timi Israel yaab Aawumbɔr na. U dan nan ter waanib, ki nyan bi tinaagbiir ni,

⁶⁹ki tii timi unii u ga gaa timi lii, ki kpa mpɔɔn, ki ye waatutunn Ubɔr David aamaal ponn ni aanii ubaa na.

⁷⁰U nan cha waabɔnabtiib chain len kina n‑yaayoonn na ki joo cha.

⁷¹U nan puu tipuur ke u ga nyan timi, timi aadim aaŋaal ni, ni bimɔk nan timi na aaŋaal ni, aan ti ŋmar.

⁷²U nan len ke u ga san tiyaajatiib kinimbaak, ki teer waah puu tipuur ti ye chain na bɔr.

⁷³U nan puu tipuur tii tiyaaja Abraham,

⁷⁴ke u ga nyan timi, timi aadim aaŋaal ni, aan ti dii u ki taa li san ijawaan,

⁷⁵ki li bi chain, ki li kpa mbimbinyaan u chee n‑yoonn mɔmɔk.

⁷⁶Si, maabo, bi ga yin si ke Uwumbɔr u kaa kpa ŋeen aatɔ na aabɔnabr. Aa ga loln ni Tidindaan pu nsan, ki toor nsan tii u,

⁷⁷ki tuk waanib ke u ga di cha baatunwanbir pinn bi, ki gaa bi lii;

⁷⁸ba pu? timi Aawumbɔr kpa tibulchinn, ki san timi kinimbaak. U yaa gaa timi lii kan, ni ga li bi ke nwiin aah puu ni pu na.

⁷⁹Ni ga woln binib bi bi mbɔmbɔɔn ni ki san nkun ijawaan na pu, ni ga mɔk timi nsan mu ga tii timi nsuudoon na.”